1 SIANGPAHRANG 11:34 - Lai (Hakha) Common Language Bible 2006

³⁴ Asinain pennak cu a ning piin a kut chungin ka la lai lo; sihmanhsehlaw ka thimmi ka sal David ka nawlbia hna le ka phungbia hna a zultu ruangah khan a chan chung paoh cu uktu ka siter ko lai;

1 SIANGPAHRANG 11:34 ပူးပေါင်းရင်းမြစ်များ

2 SAMUEL 7:14

Keimah cu a pa ka si lai i amah cu ka fapa a si lai. ṭhat lonak a tuah tikah minung fung le minung fapa hna tuknak vual in ka chimhhrin lai;

1 SIANGPAHRANG 11:31

Cun Jeroboam cu a thawh i, “Cheu hra kha i lak hna, zeitintiah hi bangin Bawipa Israel Pathian nih, ‘Zohhmanh, pennak hi Solomon kut chungin ka chuh dengmang cang.

1 SIANGPAHRANG 11:33

amah nih a ka hlawt i Sidon mi khuazingnu Ashtoreth le Moab mi pathian Khemosh le Ammon mi pathian Milkom kha a biak hna i ka lam kha a zul hna lo i a pa David bantukin ka mithmuh ah a dikmi a tuah lo i ka nawlbia le ka phunglam kha a zulh hna lo caah, phun hra hi nangmah kan pek lai.

1 SIANGPAHRANG 11:35

sihmanhsehlaw a fapa kut chung khan pennak cu ka lak lai i nangmah cu kan pek lai, phun hra hna cu.

1 SIANGPAHRANG 3:14

Cun ka nawlbia hna le ka phungbia hna kha zul in na pa David nih a zulh bangkhan ka lam kha na zulh hna ahcun, na nunnak ka sauter fawn lai,” tiah a ti.

JOB 11:6

Fimnak hi thap tampi a um i Minung fimnak nih a phak khawh lomi thil thuk an um ti kha an chimh hnga. Pathian nih na sualnak a cheu cu hmu duh loin an umpiak kha hngal tuah.

SALM 103:10

Hmuh awk kan i tlakning in dan a kan tat lo, kan sualnak le ṭhat lonak kan tuahmi ning zongin a kan lehrul lo.

SALM 89:19

Zumhawktlak a simi na sal hna sinah hlan liopi ah langhnak in bia na chim i, “Ralkap min thang pakhat cu bawiluchin ka chinh cang; mizapi hna chungin thimmi kha bawiṭhutdan cu ka pek cang.

ISAIAH 55:3

“Ka mi hna, ka bia ngai u law ka sinah ra tuah u; ka sinah ra u law nunnak nan hmuh lai. A hmunmi biakamnak kha nanmah he ka ser lai i David ka kamhmi thluachuahnak kha kan pek hna lai.

HABAKKUK 3:2

Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.