1 SIANGPAHRANG 11:29 - Lai (Hakha) Common Language Bible 2006

²⁹ Cun khi caan ah khan Jeroboam cu Jerusalem in a chuah tikah, profet Ahijah, Shilon mi nih khan lampi ah a hmuh. Ahijah cu puan thar aa aih i an pahnih cun ramlak sawhsawh ah anmah lawngin an um.

1 SIANGPAHRANG 11:29 ပူးပေါင်းရင်းမြစ်များ

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

2 SAMUEL 14:6

Cun na salnu nih hin fapa pahnih ka ngeih hna i lo ah an i si i a ṭhentu hna an um lo i pakhat nih pakhat cu a tuk i a thah.

1 SIANGPAHRANG 11:11

Cucaah Bawipa nih Solomon cu a thawh i, “Mah hihi na lungthin a si i nawl kan pekmi ka biakamnak le ka nawlbia kha na zulh hna lo caah, nangmah sin hin pennak hi ka thleh hrimhrim lai i na sinum sinah ka pek lai.

1 SIANGPAHRANG 12:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Bawipa nih mah ti hin thil kha a mersan.

1 SIANGPAHRANG 12:2

Cun Nebat fapa Jeroboam nih a theih tikah (amah cu Siangpahrang Solomon sinin a zamnak khan Izipt ram ah a um ko rih), Jeroboam cu Izipt ram cun a hung kir.

1 SIANGPAHRANG 14:2

Cun Jeroboam nih a nupi kha a thawh i, “Tho law, Jeroboam nupi na si kha hngalh lo dingin i hleng law, Shiloh ah va kal tuah; zohhmanh, khika ah profet Ahijah kha a um, amah cu keimah kha, hi mi hna cungah siangpahrang na si lai, a ka titu kha a si.

1 SIANGPAHRANG 14:4

Jeroboam nupi nih cu bang cun a tuah; a tho i Shiloh ah a kal i Ahijah inn kha a va phan. Ahijah cu khua a hmu kho ti lo, zeicahtiah a kum a upa cang i a mit khua a hmu ti lo.

2 CHANRELNAK 10:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Pathian nih mahtihin thil kha a mersan.

2 CHANRELNAK 9:29

Cun Solomon tuahsernak a tang rihmi cu, a hramthawk in a donghnak tiang, profet Nathan ṭialmi tuanbia chungah le Shilon mi Ahijah nih a chimmi bia ṭialnak cauk chungah le Nebat fapa Jeroboam kong i hmutu Iddo nih langhnak a hmuhmi ṭialnak cauk chungah khan an i ṭial lo mei?

JOSHUA 18:1

Cun Israel mibu cu an ning piin Shiloh ah an i pum i khika ah tonnak thlam kha an bunh; an hmaiah ram cu tei in a um ko.