1 SIANGPAHRANG 11:23 - Lai (Hakha) Common Language Bible 2006

²³ Pathian nih Elaida fapa Rezon, a bawipa Hadadezer, Zobah siangpahrang sinin a zammi zong kha a ral ah a thawhter.

1 SIANGPAHRANG 11:23 ပူးပေါင်းရင်းမြစ်များ

2 SAMUEL 10:8

Cun Ammon mi hna cu an ra chuak i hauka luhnak ah khan raldoh awkah an i tiang; cun Zobah le Rehob i Siria mi hna le Tob le Maakah mi hna cu anmah tein ramlak ah cun an um ve ko.

2 SAMUEL 16:11

Cun David nih Abishai le a sinum vialte cu, “Zohhmanh u, keimah ka fapa hrimhrim nih ka nunnak kha a ka kawl; cucaah hi Benjamin mi nih hin cun zeitluk tam in dah a ka kawl chinchin lai! Zei ti hmanh in ti hlah u, chiat cu ka serh ko seh; zeitintiah Bawipa nih pei a fial lai tiah.

2 SAMUEL 8:3

Cun David nih Zufrates tiva kha uk ṭhan awk i a kalpah ah Zobah siangpahrang Rehob fapa Hadadezer zong kha a tei.

2 SAMUEL 8:5

Cun Damaskas khuami Siria mi nih khan Zobah siangpahrang Hadadezer kha bawmh awkah an rat tikah, David nih khan Siria mi cu sang hnih le thong hnih a rak thah hna.

2 SAMUEL 8:8

Cun Hadadezer khua a simi Betah le Berothai khan Siangpahrang David nih dar tampi a lak.

1 SIANGPAHRANG 11:14

Cu Solomon caah Bawipa nih dohtu pakhat, Edom mi Hadad kha a thawhter, amah cu Edom ram i an bawi phun a si.

1 SIANGPAHRANG 11:22

Sihmanhsehlaw Faro nih cun amah cu a thawh i, “Na ram i kal naa timh cu keimah sin i na um ah hin zeidah na bau?” tiah a ti. Cun anih nih, “Zei kan ti hnga, ka kalter ko,” tiah a ti.

1 SIANGPAHRANG 15:18

Cun Asa nih Bawipa inn chung le siangpahrang inn chung i a tangmi ro ngun, le sui vialte kha a lak hna i a sal hna kut chungah khan a pek hna; cun Siangpahrang Asa nih cun Hezion fapa Tabrimmon i fapa Benhadad, Siria siangpahrang, Damaskas khua i a ummi sinah khan mi a thlah hna i,

1 CHANRELNAK 19:6

Ammon mi hna nih annih cu David huat kan phor cang ti kha an theih tikah, Hanun le Ammon mi hna nih khan Mesopotamia le Aram-maakah le Zobah ram in rangleng hna le rangcung ralkap hna hlan awkah ngun talen thong khat an kuat hna.

EZRA 1:1

Persia siangpahrang Sairas a bawi kum khatnak ah, Jeremiah kaa in Bawipa nih a chimmi bia kha a tlin nakhnga, Persia siangpahrang Sairas lungthin cu Bawipa nih a thawhter i cucaah a ram dihlak ah khan thawngthanhnak a tuah i ca zongin a ṭial:

SALM 60:1

Maw Pathian, na kan hlawt cang i kan ralhau kha na chim dih cang hna; kan cungah na thin a hung — sihmanhsehlaw atu cu kanmah leiah i mer ko sawh.

ISAIAH 13:17

Bawipa nih, “Babilon tuk awkah Media mi kha ka cawlcanghter lio hna. Annih cu ngun kha zeihmanh ah an rel lo i sui zongin lem khawh an si lo.

ISAIAH 37:26

“Hi thil vialte hi hlan piin keimah nih ka rak timh cangmi an si ti kha na thei bal lo maw? Atu cu ka tlinter cang hna. Kulhmi khua kha hnawmpon i ser khawhnak nawl cu kan pek.

ISAIAH 45:5

“Keimah cu Bawipa ka si, Pathian dang an um lo. Nang nih cun na ka hngal lo nain na herhmi thazang kha kan pek lai.

EZEKIEL 38:16

Thlichia nih ram kha a hrawh bantukin ka mi Israel mi cu na hrawh hna lai. Cun caan hmanung bik caan ah cun, ka ram doh awkah keimah hrimhrim nih kan kalpi lai i nangmah hmang in ka tuahmi nih keimah cu ahodah ka si ti langhternak caah le ka thiannak langhternak caah, nang Gog, an hmangtu cu Keimah ka si kha miphun hna nih an hngalh lai, a ti.