1 SIANGPAHRANG 11:2 - Lai (Hakha) Common Language Bible 2006

² Bawipa nih Israel mi sinah, “Nannih nih nan ṭhi hna in nan la hna lai lo i annih zong nih in ṭhi hna in, in la ve hna hlah seh, zeitintiah annih nih nan lung kha an pathian hna leiah an in mer hrimhrim ko hna lai,” tiin a rak chimmi miphun hna nu kha a duh hna i aa tlaih peng hna.

1 SIANGPAHRANG 11:2 ပူးပေါင်းရင်းမြစ်များ

GENESIS 2:24

Cucaah cun pei pa nih a nu le a pa a kaltak hna i a nupi he an i fonh i pum khat i an can hi a si cu.

GENESIS 34:3

A lungthin cu Jakob fanu Dinah cung lawngah cun a um i ngaknu cu a dawt i bia thlumthlum in a chawnh.

1 SIANGPAHRANG 11:9

Cun Bawipa cu Solomon cungah a thin a hung, zeicahtiah Bawipa, Israel Pathian, a sinah voi hnih a rak lang i

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

2 CHANRELNAK 21:6

Cun Ahab innchungkhar nih an tuah bantuk khan, Israel siangpahrang hna lam kha a zul; zeitintiah a nupi cu Ahab fanu a si. Cun Bawipa mithmuh i thil ṭhalo kha a tuah.

EZRA 9:12

Cucaah nan fanu hna cu an fapa hna kha pe hna hlah u law, an fanu hna zong nan fapa hna caah la hna hlah u, cun kan ṭhawng lai i ram chung thil ṭha cu kan ei hna lai i kan tefa hna cu zungzal ca in ro ah kan roh hna lai tiin annih he remnak siseh, rumnak siseh kawl hlah u,’ tiah na timi kha kan hlawt hna.

SALM 139:21

Bawipa nangmah an huatu cu ka huat ve hna, nangmah an dohtu cu zei ah ka rel ve hna lo.

EXODUS 23:31

Nan ramri cu Rili Sen in Mediterranean Rili tiang, thetse ram in Zufrates Tiva tiang a si lai. Ram chung i a ummi hna tei khawhnak ṭhawnnak kan pek hna lai i annih cu nan dawi dih hna lai.

EXODUS 34:12

Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

MALAKHI 2:11

Judah cu zumhawktlak lo a si ko, Israel ram chung le Jerusalem khua chungah mi nih fihnung a simi thil kha an tuah hna; Judah nih ramdang pathian fanu kha a duh hna i a ṭhit hna ruangah Bawipa thiannak kha a buar cang.

ROM 1:32

Hi bantukin a nunning a simi cu thih awk a tlakmi a si, tiah Pathian nawlbia nih a timi kha an hngalh ko. Asinain hi bantuk thil cu anmah nih an tuah lengmang lawng si loin midang a tuah vemi zong kha an hnatlakpi hna.

ROM 12:9

Kan i dawtnak hi lungthin taktak in si awk a si. Thil ṭhalo kha hua hna u law thil ṭha kha i tlaih peng hna u.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

BIAPHUAN 2:4

Sihmanhsehlaw ka lung na si lonak a um: cucu hmasa i na rak ka dawt bantuk khan na ka daw ti lo.