1 SIANGPAHRANG 10:1 - Lai (Hakha) Common Language Bible 2006

¹ Sheba siangpahrangnu nih Bawipa min kong i Solomon minthannak kha a theih tikah, amah cu a harmi biahalnak in hneksak awkah a ra.

1 SIANGPAHRANG 10:1 ပူးပေါင်းရင်းမြစ်များ

GENESIS 10:28

Obal, Abimael, Sheba,

GENESIS 10:7

Kush fapa cu Seba, Havilah, Sabtah, Raamah le Sabteka an si. Raamah fapa cu Sheba le Dedan an si.

GENESIS 25:3

Jokshan cu Sheba le Dedan pa a si, cun Dedan fapa hna cu Asshurim, Letushim, le Leummim an si.

1 SIANGPAHRANG 10:24

Cun Solomon cu a lung chung i fimnak Pathian nih a chiahmi theih awkah khan vawleicung mi dihlak nih khan an fuh.

1 SIANGPAHRANG 4:31

Zeitintiah amah cu midang vialte nakin a fim deuh, Ezrah mi Ethan le Mahol fapa hna Heman, Kalkol le Darda nakin a fim deuh; cun a min cu a pawngkam ram dihlak ah a thang.

1 SIANGPAHRANG 4:34

Cun miphun kip chungin le vawlei cung siangpahrang vialte hna sinin a fimnak a theimi paoh nih Solomon fimnak theih awkah cun an ra.

1 SIANGPAHRANG 5:14

Cun thla khat ah thong hra lengmang in, aa chang lengmang dingin, Lebanon ah a kuat hna; Lebanon ah thla khat, cun inn ah thla hnih lengmang an um; cu hnekmi bu a uktu ah cun Adoniram a si.

JOB 28:28

Cun minung cu a thawh i, ‘Zohhmanh, Pathian ṭih hi fimnak cu a si, ṭhat lonak hrial hi hngalhthiamnak cu a si,’ tiah a ti,” a ti.

JOB 6:19

Tema khualtlawng run hna nih ti cu an kawl, Sheba khualtlawng mi hna nih an an i ruahchan.

SALM 49:4

Bia thuk kha ka ruat hna lai i tingtang tum pah in a sullam kha ka fianter hna lai.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

SALM 72:15

Siangpahrang cu saupi nung ko seh! Arabia ram in sui rak pe hna seh; a zungzal in thlacampiak hna seh; Pathian nih a zungzal in thluachuahnak pe seh.

ISAIAH 60:6

Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng ṭha kha mi nih an chim lai.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

EZEKIEL 16:14

Naa dawh minthannak cu khuazakip ah a thang, zeicahtiah keimah nih kan thuamhnak sunparnak nih cun naa dawhnak cu a tlinter, tiah Bawipa Pathian nih a ti.

EZEKIEL 38:13

Sheba mi hna le Dedan mi hna le Tarshish chawdawr hna nih an in thawh lai i, ‘Hi mi hna ramh awk le an thil chuh awkah maw na ralkap hna cu na pumh hna i annih cu na tuk hna? An sui le ngun kha lak i an saṭil le thilri kha i kalpi hna maw naa timh?’ an in ti lai.

MATTHAI 12:42

Biaceih Ni ah cun Thlanglei Siangpahrangnu kha a dir lai i sual an phawt hna lai, zeicahtiah anih cu vanhramdeng in a ra riangmang i Solomon fimnak kha a hung zoh; atu hi Solomon nakin a ngan deuhmi hika ah hin a um,” tiah a ti hna.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 13:35

Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

MARKA 4:34

Annih cu tahchunhnak hmang loin a chim hna lo, sihmanhsehlaw a zultu he lawng an um tikah cun zeizong vialte kha an sullam fiang tein a chimh hna.

LUKA 11:31

Biaceih Ni ah cun Chimlei Siangpahrangnu kha a dir te lai i atu chan mi hna hi sual a phawt te hna lai, zeicahtiah Solomon fimnak bia ngaih duh ah khan anih cu lamhla piin a ra i asinain hika ah hin Solomon nakin a ngan deuhmi a um ko ṭung.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.