1 SIANGPAHRANG 1:5 - Lai (Hakha) Common Language Bible 2006

⁵ Cun Haggith fapa Adonijah kha amah le amah aa hlorh i, “Siangpahrang ka si lai,” tiah a ti i amah caah khan rangleng hna le rangcung ralkap hna le a hmai i a tli dingah minung sawm nga kha a timh hna.

1 SIANGPAHRANG 1:5 ပူးပေါင်းရင်းမြစ်များ

2 SAMUEL 15:1

Hi hnuah hin Absalom nih rangleng pakhat le rang hna le a hmai i a tlitu dingmi sawm nga aa chiah hna.

2 SAMUEL 3:4

cun a palinak cu Haggith fapa Adonijah a si; a panganak Abital fapa Shefatiah a si;

1 SIANGPAHRANG 1:11

Cun Nathan nih Solomon nu Bathsheba kha a thawh i, “Haggith fapa Adonijah kha kan bawipa David hngalh loin siangpahrang a si cang, ti hi na hngal lo dahra?

1 SIANGPAHRANG 1:4

Ngaknu cu aa dawh ngaingaimi a si; cun amah cu siangpahrang tuammuaitu ah khan a cang i amah kha a bultawl; sihmanhsehlaw siangpahrang nih amah cu a theihngal lo.

1 SIANGPAHRANG 2:13

Cun Haggith fapa Adonijah kha Solomon nu Bathsheba sinah a ra. Cun anih nih a rak thawh i, “Daihnak in na ra maw?” tiah a rak ti. Amah nih, “Daihnak in ka ra,” tiah a ti.

1 SIANGPAHRANG 2:15

Cun amah nih cun, “Pennak hi keimah ta a rak si i Israel mi vialte nih amah nih a kan pen lai tiin an rak ka ruah dih ko, ti kha na hngalh; sihmanhsehlaw pennak cu a lu taw aa let i ka unaupa caah a cang, zeitintiah Bawipa nih a pekmi a si.

1 SIANGPAHRANG 2:24

Cucaah keimah kha a ka fehter i, ka pa David bawi ṭhutdan cungah a ka chia i bia a ka kam bangin innchungkhar a ka serpiaktu Bawipa nih a nun bangin, Adonijah cu nihin ah thah a si lai,” tiah a ti.

1 CHANRELNAK 28:5

Cun ka fapa vialte hna lakah (zeitintiah Bawipa nih fapa tampi a ka pek hna) ka fapa Solomon cu Israel cung i Bawipa pennak bawiṭhutdan cung i ṭhut awkah khan a thim.

1 CHANRELNAK 29:1

Siangpahrang David nih aa pummi cu a thawh hna i, “Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si.

1 CHANRELNAK 3:2

a pathumnak cu Absalom a si, a nu cu Maakah, Geshur siangpahrang Talmai fanu a si; a palinak cu Adonijah a si, a nu cu Haggith a si;

EXODUS 9:17

Asinain ka mi hna cungah na ruam a kai ṭhiamṭhiam rih i kalter na duh hna lo.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

PHUNGTHLÛKBIA 18:12

Harnak phak hlanah cun mi cu an lung a puam tawn, sihmanhsehlaw upatnak phaknak lam cu toidornak a si.

ISAIAH 2:7

An ram cu sui le ngun in a khat i an rumning cu a dongh in dongh a hngal lo. An ram cu rangtum an khat i an rangleng cu rel cawk lo an si.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

LUKA 18:14

Hihi kan chimh hna: Farasi mipa kha si loin hi pa tu hi a sualnak ngaihthiam in inn ah a ṭinmi cu a si. Zeicahtiah amah le amah aa ngantermi cu ṭhumh an si lai i mi tangah aa dormi cu mi ngan ah ser an si lai,” tiah a ti.

BIACEIHTU 9:2

“Shekhem khua chung i a ummi vialte cu, ‘Nannih caah zeidah a ṭha deuh, Jerubbaal fapa sawm sarih nih an dihlak in an in uk hna ah maw, pakhat lawng nih an uk hna ah dah?’ tiin an hna chungah va chim tuah u. Cun keimah cu nan ruh le nan sa ka si kha va philh fawn hlah u,” tiah a ti hna.