1 SIANGPAHRANG 1:47 - Lai (Hakha) Common Language Bible 2006

⁴⁷ Cuhleiah siangpahrang sinum hna nih khan David Siangpahrang kan bawipa cu, ‘Na Pathian nih Solomon min cu nangmah min nakin minthang deuh ah ser seh law a bawi ṭhutdan cu na bawi ṭhutdan nakin nganter deuh seh,’ tiin lawmhpi awkah an ra. Khi tikah siangpahrang nih cun ihkhun cungah cun a lu a khun.

1 SIANGPAHRANG 1:47 ပူးပေါင်းရင်းမြစ်များ

GENESIS 47:31

Israel nih cun, “Ka tuah lai, tiah bia i kam,” a ti. Josef nih bia cu aa kam i Israel nih cun a ihkhun lu lei hoih khan a lu a khun.

2 SAMUEL 21:3

Cun David nih Gibeon mi cu a thawh hna i, “Zeidah kan tuahpiak hna lai? Cun nannih nih Bawipa ro kha thluachuah nan pek naklai kei nih zeitindah sual thianhnak kha ka tuah lai?” tiah a ti.

2 SAMUEL 8:10

Hadadezer kha a doh i a tei caah amah cu va biakchawnh awk le va conglawmh awkah David Siangpahrang sinah khan a fapa Joram kha a hei thlah; zeitintiah Hadadezer nih khan Toi kha a rak doh lengmang tawn. Cun Joram nih ngun kheng le sui kheng le dar kheng kha a rak i phorh hna i.

1 SIANGPAHRANG 1:37

Siangpahrang bawipa sinah Bawipa cu a um bang khan, cu bantuk ṭhiamṭhiam in Solomon sinah um seh law, a bawi ṭhutdan cu ka bawipa David Siangpahrang i a bawi ṭhutdan nakin nganter deuh seh,” tiah a ti.

EXODUS 12:32

Nan ka hal bangin nan tuu le nan meheh le nan caw kha i kalpi hna u law, chuak u. Cun thluachuahnak ka hmuh nakhnga thla ka campiak u,” a ti hna.

LUKA 19:38

“Bawipa min in a rami siangpahrang cu Pathian nih thluachuahnak pe ko seh. Vancung ah daihnak um seh law, Pathian cu sunparnak pek si ko seh,” tiah an au.

HEBRU 11:21

Josef fapa kha an dihlak in Jakob nih a thih laite ah zumhnak in thluachuahnak a pek hna; a ṭhiangṭhunh kha aa hngauh i Pathian kha a biak.