1 SIANGPAHRANG 1:20 - Lai (Hakha) Common Language Bible 2006

²⁰ Cucaah siangpahrang ka bawipa, atu cu Israel mi vialte hna nih, ahodah siangpahrang ka bawipa ṭhutdan ah hin amah hnu in a ṭhu lai, ti chimh awkah nangmah cungah an mit an chiah dih.

1 SIANGPAHRANG 1:20 ပူးပေါင်းရင်းမြစ်များ

2 SAMUEL 23:2

“Bawipa thlarau nih keimah kha hmang in a chim, Amah bia cu ka lei cungah a um.

1 SIANGPAHRANG 1:19

Amah nih cawtum hna le cenhmi saṭil thauthau hna le tuu hna kha tam piin a thawi cang hna i siangpahrang fapa vialte hna le tlangbawi Abiathar le ralkapbu haotu Joab kha a sawm hna, sihmanhsehlaw na sal Solomon cu a sawm lo.

1 SIANGPAHRANG 1:21

Cu ti a si lo ahcun, siangpahrang ka bawipa hi a pupa hna sinah a ih tikah, keimah le ka fapa Solomon cu sualnak tuahtu ah rel kan vung si te ko lai,” tiah a ti.

1 CHANRELNAK 28:10

Cucaah i ralring tuah, zeicahtiah nangmah cu Bawipa nih a thiangmi hmun ca i inn sak awkah an thim cang; ṭhawng ngaiin um law ṭuan tuah,” tiah a ti.

1 CHANRELNAK 29:1

Siangpahrang David nih aa pummi cu a thawh hna i, “Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si.

2 CHANRELNAK 20:12

Maw kan Pathian, an cungah biaceihnak na tuah hnga lo maw? Zeitintiah kannih doh awkah a kan rathnawhtu hi bu nganpi hmaiah hin kannih cu santlailo kan si ko. Zei tuah awk kan hngal lo, sihmanhsehlaw kan mit lawng kha na cungah a um ko,” tiah a ti.

SALM 123:2

Sal nih a bawipa aa bochan bantuk le salnu nih a bawinu aa bochan bantukin, Bawipa kan Pathian, nangmah lawng kan hun in zoh ko, kan cungah zaangfahnak na ngeih hlantiang kan in zoh ko lai.

SALM 25:15

Bawipa cu kaa bochan zungzal i thil ṭihnung chungin a ka chuah.

ZEKHARIAH 3:9

Ni khat ah ram chung sualnak kha ka thianh lai. Joshua hmai i ka chiahmi lung kha hika ah hin a um ko, a chung i mit mit sarih a ummi lung kha.