1 SIANGPAHRANG 1:2 - Lai (Hakha) Common Language Bible 2006

² Cucaah a sinum hna nih khan amah cu, “Siangpahrang ka bawipa caah hin ngaknu in kawlpiak u si law, siangpahrang hi in tuammuai seh law in zohkhenh seh law; siangpahrang ka bawipa nih hin lumnak na hmuh khawh nakhnga, na ṭang cungah it seh law,” tiah an ti.

1 SIANGPAHRANG 1:2 ပူးပေါင်းရင်းမြစ်များ

GENESIS 16:5

Khi tikah Sarai nih Abram cu a thawh i, “Hagar nih zeihmanh i a ka rel lo hi nangmah palh a si. Keimah hrimhrim nih ka sal cu kan pek i fa ka pawi ti aa hngalh cangka keimah kha a ka serhsat. Cucaah kannih pahnih lakah hin ahodah a ding ti kha Bawipa nih kan ceih seh,” tiah a ti.

2 SAMUEL 12:3

sihmanhsehlaw misifakpa nih cun a cawkmi tuu a nute pakhat lawng khi a ngeih. Cun amah nih cun a cawm i a fale hna he cun an ṭhang ṭi, a kheng le a hrai kha aa hrawm ve tawn i a ṭang chungah a pom tawn, amah cu a caah fanu bantuk a si ko.

1 SIANGPAHRANG 1:1

David Siangpahrang cu a upa i a tar ngaingai cang; puan an vorh nain a khua a lum kho hlei lo.

1 SIANGPAHRANG 1:3

Cucaah Israel ram chung dihlak ah khan ngaknu dawhte cu an kawl i Shunam mi Abishag kha an va hmuh i siangpahrang sinah cun an ratpi.

2 CHANRELNAK 29:11

Ka fapale hna, atu cu thluarthlap in um hlah u, zeitintiah Bawipa nih nannih cu a hmai i dir awk le amah rianṭuan awk le amah rianṭuantu si awk le amah sinah zihmui khangh awkah an thim hna,” tiah a ti.

ESTHER 2:2

Cun siangpahrang sinum hna amah a bultawltu hna nih khan an thawh i, “Siangpahrang caah hin ngaknu dawh in kawlpiak u sih.

PHUNGCHIMTU 4:11

Khua a sih tikah pahnih in hmunkhat ah nan ih ahcun nanmah le nanmah kha nan i lumh kho, sihmanhsehlaw nangmah lawng cun zeitindah naa lumh khawh lai?

MIKAH 7:5

Na innpa kha va zum hlah, na hawikom zong vaa bochan hlah. Na nupi sin i na chimmi hmanh kha vaa ralring.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,