1 SIANGPAHRANG 1:13 - Lai (Hakha) Common Language Bible 2006

¹³ David Siangpahrang sinah cun khulrang in va kal law amah cu, ‘Siangpahrang ka bawipa, nangmah nih na salnu ka sinah, “Keimah hnuah Solomon na fapa hi a rung bawi lai i ka bawi ṭhutdan cungah hin a ṭhu lai,” tiin chiat na ser lo maw? Zeicahdah Adonijah hi siangpahrang a si kun?’ tiah va ti.

1 SIANGPAHRANG 1:13 ပူးပေါင်းရင်းမြစ်များ

1 SIANGPAHRANG 1:11

Cun Nathan nih Solomon nu Bathsheba kha a thawh i, “Haggith fapa Adonijah kha kan bawipa David hngalh loin siangpahrang a si cang, ti hi na hngal lo dahra?

1 SIANGPAHRANG 1:14

Cun siangpahrang na chawnh lioah cun kei zong nih ka run in zulh colh ve lai i na bia cu ka fehter lai,” tiah a ti.

1 SIANGPAHRANG 1:17

Cun anih nih amah sinah cun, “Ka bawipa, nangmah nih na salnu sinah hin, Bawipa na Pathian min chalh in chiat na rak ser i, ‘Na fapa Solomon hi keimah hnuah a rung bawi lai i ka bawi ṭhutdan cungah a ṭhu lai,’ tiah na ti.

1 SIANGPAHRANG 1:24

Cun Nathan nih cun a thawh i, “Siangpahrang ka bawipa, nangmah nih, ‘Keimah hnuah Adonijah hi a rung bawi lai i ka bawi ṭhutdan ah a ṭhu lai,’ tiah na rak ti maw?

1 SIANGPAHRANG 1:30

Bawipa, Israel Pathian min chalh in na sinah chiat ka ser i, ‘Ka hnuah na fapa Solomon cu a rung bawi lai i keimah hmun ah amah cu ka bawi ṭhutdan cungah a ṭhu lai,’ tiin ka ti bantuk khan, cu bantuk ṭhiamṭhiam cun nihin zongah hin ka tuah lai,” tiah a ti.

1 SIANGPAHRANG 1:35

Cun nannih nih nan hun zulh lai i a ra lai i ka bawi ṭhutdan ah a ṭhu lai; zeitintiah amah cu keimah hmun ah siangpahrang a si lai; cun amah cu Israel le Judah cung i uktu si awkah rian ka pek cang,” tiah a ti.

1 SIANGPAHRANG 1:48

Cun siangpahrang nih cun, ‘Keimah mit hmuh hrimhrim ah, ka bawi ṭhutdan cung i keimah tefa pakhat a ṭhuttertu Bawipa, Israel Pathian cu thangṭhat si ko seh’ ti zongah a ti fawn,” tiah a ti.

1 SIANGPAHRANG 2:12

Cucaah Solomon cu a pa David bawi ṭhutdan ah a ṭhu i a pennak cu fek tein a hmunhter.

1 CHANRELNAK 28:5

Cun ka fapa vialte hna lakah (zeitintiah Bawipa nih fapa tampi a ka pek hna) ka fapa Solomon cu Israel cung i Bawipa pennak bawiṭhutdan cung i ṭhut awkah khan a thim.

1 CHANRELNAK 29:23

Cun Bawipa siangpahrang ṭhutdan ah cun Solomon cu a pa David can ah khan siangpahrang in a ṭhu i a hungcho i Israel mi vialte nih a bia kha an ngaih.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

JEREMIAH 33:21

David ka sal he ka biakamnak zong kha a rawk kho ve lai i a tefa hna kha pakhat hmanh a bawiṭhutdan cung i a ṭhu ding um loin a si kho ve ko lai; cun Levi mi ka tlangbawi ka rianṭuantu hna he ka biakamnak zong, cu bantuk ṭhiamṭhiam in a si ve kho ko hnga.

DEUTERONOMI 17:18

“Cun a pennak siangpahrang ṭhutdan ah a ṭhut tikah, Levi mi tlangbawi hna nih an zohkhenhmi hi phungbia hi, cauk pakhat ah aa tlen lai,