1 SAMUEL 9:6 - Lai (Hakha) Common Language Bible 2006

⁶ Sihmanhsehlaw anih nih amah cu, “Zohhmanh, hi khua chungah hin Pathian mi pakhat a um i amah cu an hmaizah ngaimi a si; a chimmi vialte kha a tling dih ko. Khika ah va kal u sih; kan pawhhnawhmi kan khual tlawnnak kong hi a hei kan chimh khawh ko hnga dah kaw,” tiah a ti.

1 SAMUEL 9:6 ပူးပေါင်းရင်းမြစ်များ

GENESIS 24:42

“Cun nihin i tikhor ka ra phak ah khan thla ka cam i, Bawipa, ka bawipa Abraham i Pathian, ka khualtlawnnak ah hin nangmah nih thluachuahnak ka pe ko.

2 SAMUEL 15:27

Siangpahrang nih tlangbawi Zadok sinah cun, “Zohhmanh, dai tein khua chungah cun, nangmah le Abiathar cu, nan fapa pahnih hna, Ahimaaz, nangmah fapa le Jonathan, Abiathar fapa he tiah, va kir tuah u.

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

2 SIANGPAHRANG 5:8

Sihmanhsehlaw Pathian mi Elisha nih Israel siangpahrang nih a puan a thleh hna ti kha a theih tikah, siangpahrang cu bia a hei cah i, “Zeicahdah na puan cu na thleh hna? Israel ram chungah profet a um ti kha a hngalh naklai, keimah sinah ratter tuah,” tiah a ti.

2 SIANGPAHRANG 6:6

Cun Pathian mi nih cun, “Khuazei ah dah a tlak?” tiah a ti. A hmun kha a hmuhsak tikah fung pakhat a sah i khika ah cun a hei hlonh i thir cu a hung vuan.

SALM 25:12

Bawipa nawl a zulmi nih an zulh awk hnga lam kha an hngalh lai.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

MATTHAI 24:35

Van le vawlei cu an rawk lai; sihmanhsehlaw ka bia cu zeitikhmanh ah a rawk lai lo.

DEUTERONOMI 33:1

Hi thluachuahnak hi Pathian mi Moses nih a thih hlanah Israel fale thluachuah a pek hnanak cu a si.

1THESALON 2:10

Kan tehte cu nanmah kha nan si i cu bantukin Pathian zong a si ve. Nannih a zummi hna cung i kan ziaza cu a thiangmi le ahmaanmi le palhnak zeihmanh a um lomi a si.

1THESALON 5:13

An rian an ṭuan ruangah khan hmaizahnak a sang bik le dawtnak a ngan bik kha pe hna u. Cun pakhat le pakhat i rem niahmah tein khuasa u.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

1 SAMUEL 2:27

Cun Eli sinah Pathian mi pakhat a ra i amah sinah cun, “Hi bangin Bawipa nih a ti, Izipt ram i Farote chung sal i an um lioah khan, na pa chungle hna sinah keimah hrimhrim kaa langhter.

1 SAMUEL 9:8

Sinum nih khan Saul cu a leh ṭhan i, “Zohhmanh, ngun shekel phar cheu li cheu khat ka ngei, kan lam a kan chimhnak dingah mah hihi Pathian mi cu ka pek lai,” tiah a ti.