1 SAMUEL 9:21 - Lai (Hakha) Common Language Bible 2006

²¹ Cun Saul nih a leh i, “Keimah cu Israel phun hna lakah a hme bik Benjamin phun mi ka si lo maw? Cun ka chungle hna cu Benjamin phun chung i a ummi chungkhar vialte hna lakah a nauta bik an si lo maw? A si kun ahcun, zeicahdah mah bantuk hin ka sinah bia na chim?” tiah a ti.

1 SAMUEL 9:21 ပူးပေါင်းရင်းမြစ်များ

SALM 68:27

A hmasa ah an lak i phun hme bik Benjamin kha a ra, cun Judah phun hruaitu pawl kha an mi hna he cun an ra i Zebulun le Naftali phun hruaitu pawl nih khan an zulh hna.

SALM 68:28

Maw Pathian, na ṭhawnnak langhter ko, kan ca i na hmanmi na ṭhawnnak kha langhter ko.

HOSEA 13:1

Efraim phun mi nih bia an chim tikah midang nih khan an rak ṭih tawn hna; Israel mi a dang hna nih khan an rak zohcho hna. Sihmanhsehlaw annih nih Baal an biak ruangah khan an sual i hi ruangah hin an thi lai.

LUKA 14:11

Amah le amah a ngan ah aa chiami cu nauta ah chiah a si lai i mi tangah aa dormi cu mi ngan ah ser a si lai,” tiah a ti.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.

1 SAMUEL 14:51

Saul pa cu Kish a si, cun Abner pa Ner cu Abiel fapa a si.

1 SAMUEL 15:17

Cun Samuel nih, “Nangmah naa ruahnak ah mi hmete si hmanh law, Israel miphun hna lu na si lo maw? Bawipa nih Israel mi siangpahrang ah chiti an thuh cang.

1 SAMUEL 18:18

Cun David nih Saul sinah cun, “Keimah cu ahodah ka si i ka rualchan Israel mi lak i ka pa innchungkhar cu ahodah an si, siangpahrang tupa ka si hnga cu?” tiah a ti.

1 SAMUEL 18:23

Cun Saul sinum hna nih hi bia cu David hna theih ah an chim. Cun David nih, “Keimah bantuk misifak le aho zei rel a tong lomi caah hin, siangpahrang tupa si hi thil hmetuai ah dahra nan rel hi?” tiah a ti.

1 SAMUEL 9:22

Cun Samuel nih Saul le a sinum kha a kalpi hna i innchung khaan ah a luhpi hna i an sawmmi mi sawm thum tluk hna lakah khan, upatnak hmun ah khan a ṭhutter hna.