1 SAMUEL 9:20 - Lai (Hakha) Common Language Bible 2006

²⁰ Na laa, ni thum a tlau cangmi hna cu ruat len ti hna hlah, zeicahtiah an hmuh cang hna. Cun Israel mi hna lak i duh awk thil vialte cu aho caah dah an si? Nangmah le na pa chungkhar vialte hna caah an si lo maw?” tiah a ti.

1 SAMUEL 9:20 ပူးပေါင်းရင်းမြစ်များ

1 CHANRELNAK 29:3

Hi vialte hleiah hin keimah pumpak ta chungin sui le ngun kha kan Pathian inn ka ṭanh caah Pathian biakinn caah cun ka thawh hna:

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

KOLOSE 3:2

Hi vawlei cung thil hi si loin khika thil tu kha ruat hna u.

1 SAMUEL 10:16

Cun Saul nih a pa unau sinah cun, “Laa cu an hmuh cang hna, tiah fiang tein a kan chimh,” tiah a ti. Sihmanhsehlaw pennak kong Samuel nih a chimmi kha cu zeihmanh amah cu a chim lo.

1 SAMUEL 12:13

Cun atu cu nanmah nih nan thimmi le nanmah nih nan halmi siangpahrang cu zoh tuah u; zohhmanh u, Bawipa nih nan cungah siangpahrang pakhat a chiah cang.

1 SAMUEL 12:15

sihmanhsehlaw Bawipa aw kha nan ngaih lo Bawipa nawlbia kha nan ralchanh ahcun, khi tikah Bawipa kut nih cun nanmah le nan siangpahrang kha an ralchanh hna lai.

1 SAMUEL 4:20

Cun a thih dengmang lioah khan amah a zohkhentu nu hna nih cun, “Ṭih hlah, zeicahtiah fapa na hrin,” an ti. Sihmanhsehlaw a let hna lo i zei zongah a rel fawn lo.

1 SAMUEL 8:19

Sihmanhsehlaw mi hna nih cun Samuel aw ngaih cu an duh lo; annih nih, “Si hlah! Kan cungah siangpahrang kan ngei ko lai,

1 SAMUEL 8:5

Amah cu an thawh i, “Zohhmanh, na tar cang, cun na fapale nih na lam an zul fawn lo. Cucaah miphun vialte hna cio bangin, a kan uktu ah siangpahrang pakhat kan chiahpiak tuah,” an ti.

1 SAMUEL 9:19

Samuel nih Saul cu a leh i, “Hmutu cu keimah hi ka si; ka hmaiah hin khuahrum bo leiah khan kal ko, zeitintiah nihin cu keimah sinah rawl na ei lai i thaizing ah kan kalter te lai i na ruah lengmangmi cu kan chimh dih lai.

1 SAMUEL 9:3

Saul pa Kish i laa cu an tlau i Kish nih a fapa Saul cu, “Sinum pakhat khan i kalpi law, tho law, laa kawl awkah cun va kal tuah,” tiah a ti.