1 SAMUEL 9:16 - Lai (Hakha) Common Language Bible 2006

¹⁶ “Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.

1 SAMUEL 9:16 ပူးပေါင်းရင်းမြစ်များ

2 SAMUEL 3:18

Cucaah atu cu tlinter tuah u; zeitintiah Bawipa nih David cu bia a kam i, ‘Ka sal David kut in ka mi Israel mi hna cu Filistin mi kut chung le an ral vialte hna kut chungin ka chuah hna lai,’ a ti,” tiah a ti.

2 SIANGPAHRANG 20:5

“I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

SALM 102:1

Maw Bawipa, ka thlacamnak cu ka ngaihpiak law nangmah bawmhnak hal ah ka aunak cu ka theihpiak ko.

SALM 106:44

Asinain Bawipa nih cun an auh tikah khan a theih hna i an temhinnak kha a hmuhpiak hna.

SALM 25:18

Ka retheihnak vialte le ka innak vialte kha ka ruahpiak hna law Ka sualnak vialte cu ka ngaithiam ko hna.

PHUNGTHLÛKBIA 16:9

Minung nih hin a khualtlawnnak ding khua kha a khan, sihmanhsehlaw a kephau a hruaitu cu Bawipa a si.

JEREMIAH 32:8

Bawipa nih a ka chimh chung bangin ka unau Hanamel cu ka sinah ralvengtu hna inntual ah cun a ra i, “Benjamin ram chung Anathoth khua i ka lo cu ka caw tuah, zeicahtiah cu lo ngeih awk le tlanhnak nawl cu nangmah ta a si, nangmah cu a ka naih bikmi ka rualchan na si bangin; nangmah nih ka caw ko,” tiah a ti. Khi tikah mah hihi Bawipa bia a si ti kha ka hngalh.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

1 SAMUEL 14:20

Cun Saul le a sinah a ummi vialte kha an i pum ṭhan i raldohnak chungah cun an lut; cun zohhmanh, anmah le anmah cu nam in an i tu ciammam i, i tuainak nganpi a um.

1 SAMUEL 14:23

Cuticun khi ni ah Bawipa nih Israel cu a luatter; raldohnak cu Beth-aven pin tiang a phan.

1 SAMUEL 15:1

Cun Samuel nih Saul cu, “Bawipa nih keimah cu, nangmah kha, a mi Israel mi cung i siangpahrang si awk i chiti thuh awkah, a ka thlah cang; cucaah Bawipa bia cu ngai tuah hna.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 16:3

Cun Jesse kha raithawinak ah cun va sawm law, nangmah nih zeidah na tuah awk a si kha kan hmuhsak lai; cun a min kan chimhmi kha nangmah nih chiti cu na ka thuhpiak lai,” tiah a ti.