1 SAMUEL 8:7 - Lai (Hakha) Common Language Bible 2006

⁷ Cun Bawipa nih Samuel cu a chawnh i, “Mizapi nih na sinah an chimmi bia vialte ah an aw kha ngai tuah; zeitintiah nangmah an in hlawt a si lo, an cung i siangpahrang ka sinak hin keimah an ka hlawt a si.

1 SAMUEL 8:7 ပူးပေါင်းရင်းမြစ်များ

EXODUS 16:8

Cun Moses nih aa thawh i, “Zanlei ah ei awk sa an petu hna le zinglei ah nan duh tawk in ei awk rawl an petu hna cu Bawipa a si lai, zeicahtiah a cung i nan phunnak le nan zainak liangluang kha a theih. Nan kan zaihnawh len ko cu, zaihnawh awk tlak kan si maw? Nan kan zaihnawh cu Bawipa cung i nan zai pei a si cu,” a ti hna.

ISAIAH 66:4

Cucaah cun ka kawh tik hna i an ka leh duh lo ca le ka chawnh tik hna i an ka chawnh duh lo caah an ṭihmi thil thengte, rawhralnak kha an cungah ka tlunter lai. Ka nawl zulh duh lo i ṭhat lonak tuah cu an i thimmi a si,” a ti.

JEREMIAH 34:14

Cucu hihi a si: ‘Nan sin i a hun i zuarmi Hebru mi, kum ruk an rian cangmi hna kha, nannih nih kum sarihnak chungah nan luatter hna lai.

EZEKIEL 2:3

A ka thawh i, “Mipa, nangmah cu Israel mi hna sinah khan kan thlah lai, annih cu ralthawh hmang miphun, keimah a ka doh tawnmi miphun an si.

EZEKIEL 3:7

Sihmanhsehlaw Israel mi nih cun na bia ngaih kha an duh lai lo, zeicahtiah keimah ka bia ngaih kha an duh lo i annih cu ningzah hngal lomi le lung a hak i a ṭhawng hringhranmi an si.

NAMBAR 22:20

Cun Pathian nih Balaam sinah zan ah a ra i, “Hi mi hna nih nangmah kawh awkah an rat ahcun, tho law, an sinah va kal ko; sihmanhsehlaw kan chimhmi lawnglawng kha na tuah lai,” tiah a sinah a ti.

MATTHAI 10:40

“Nannih an conglawmhtu hna paoh nih keimah an ka conglawmh a si i keimah a ka conglawmhtu paoh nih a ka thlahtu a conglawmh a si.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

JOHAN 13:16

Biatak kan chimh hna: sal cu a bawipa nakin a ngan deuh bal lo; fialmi zong a fialtu nakin a ngan deuh bal lo.

BIACEIHTU 8:23

Gideon nih annih cu, “Keimah nih kan uk hna lai lo, ka fapa zong nih an uk hna lai lo; Bawipa nih an uk hna lai,” tiah a ti hna.

1 SAMUEL 10:19

Sihmanhsehlaw nihin ni ah hin nannih nih, vanchiat nan tonmi vialte le nan harnak vialte chungin an khamhtu hna nan Pathian cu nan hlawt i, ‘Sihlah! kan cungah siangpahrang pakhat kan chiahpiak ko,’ nan ti. Cucaah atu cu Bawipa hmaiah, nan phun cio ning le nan chung cio ningin, chuak tuah u,” tiah a ti.

1 SAMUEL 12:1

Cun Samuel nih Israel mi vialte hna sinah cun, “Zohhmanh u, nan ka chimhmi vialte ah nan aw kan ngaih hna i siangpahrang kan serpiak cang hna.

1 SAMUEL 12:12

Cun nannih nih Ammon mi siangpahrang Nahash kha nanmah doh awkah a ra ti nan hmuh tikah, Bawipa nan Pathian cu nan siangpahrang a si ko lioah, keimah sinah, ‘Sihlah, siangpahrang nih kan uk ko seh,’ nan ti.

1 SAMUEL 8:22

Cun Bawipa nih Samuel sinah cun, “An aw kha ngai hna law, siangpahrang pakhat serpiak hna,” tiah a ti. Cun Samuel nih Israel mi hna cu, “Nan khua cio ah va tlung u,” tiah a ti hna.

1 SAMUEL 8:8

Izipt ram in ka chuahpi hna ni in atu tiang ka cungah an tuahmi vialte ningin, keimah kha hlawt le khuazing dang hna kha bia in, cu bangin nangmah cung zongah an tuah ve.