1 SAMUEL 8:3 - Lai (Hakha) Common Language Bible 2006

³ Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.

1 SAMUEL 8:3 ပူးပေါင်းရင်းမြစ်များ

2 SAMUEL 15:4

Cuhleiah Absalom nih cun, “Hi ram chungah hin keimah hi biaceihtu hei si ning law ka hei duh dah! Bia ngeimi le tazacuai duhmi vialte kha ka sinah an ra hnga i ding tein bia ka ceihpiak hna hnga,” tiah a ti.

SALM 15:5

a karh la loin mi tangka a cawih i a sual lomi hna sual phawt awkah ziknawh pek khawh lomi cu an si. Hi thil a tuahmi hna cu an i hnin bal lai lo.

SALM 26:10

annih cu ṭhat lonak kha zungzal in a tuah i nawhthuh pek aa tim zungzalmi an si.

EXODUS 18:21

Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a ṭihmi, bochan awk tlak a simi an si lai, nawhthuh pek khawh lomi an si lai.

EXODUS 23:6

“Nan lak i misifak pakhatkhat kha taza cuai a si ahcun, a bia kha ding tein ceihpiak ko u.

EXODUS 23:8

Nawhthuh la hrimhrim hlah u, zeicahtiah nawhthuh nih cun bawi kha an mit a cawtter hna i a sual lomi hna bia kha pakpalawng ah a canter.

PHUNGCHIMTU 2:19

cun mah pa cu mifim a si lai le mihrut a si lai kha aho nih dah a hngalh? A zei a si hmanh ah rethei ngaiin ka ṭuanmi le ni toiah ka fimnak ka hmanmi thil vialte cungah amah cu bawi a si ko lai. Mah zong hi pakpalawng a si ko.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 33:15

A dingmi thil kha na chim i na tuah ahcun na celh ko lai. Na lianhngannak cu misifak hlennak ah khan hmang hlah law ziknawh kha la hlah. Lainawnnak tuah awk le thil dang a ṭha lomi tuah awkah khua a khangmi kha kom hna hlah.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

1TIMOTE 3:3

zu rit hmangmi a si lai lo, mitlokciar a si lai lo, milungnem le daihnak a duhmi a si lai; tangka mitthimi a si lai lo;

1TIMOTE 6:10

Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.

1 SAMUEL 12:2

Cun atu cu, zohhmanh u, siangpahrang nih an hruai cang hna lai; kei cu ka tar cang i ka ṭuak zong a par cang, cun zohhmanh u, ka fapa hna cu nan sinah an um; cun kei cu ka seino lio in nihin ni tiang nan hmaiah kaa chawk lengmang.

1 SAMUEL 2:35

Cun keimah hrimhrim nih zumhawktlak tlangbawi pakhat, ka lung chung le ka ruahnak chungah a ummi ningin a tuahtu ding cu ka chuahter lai; cun amah cu a fekmi innchungkhar ka sakpiak lai i ka chiti thuhmi hmaiah a zungzal in a lut a chuak lai.