1 SAMUEL 8:20 - Lai (Hakha) Common Language Bible 2006

²⁰ kannih zong miphun vialte hna cio bantuk kan si ve lai; kan siangpahrang nih cun a kan uk lai i kan hmaiah a kal lai i kan ral hna kha a kan tukpiak lai,” tiah an ti.

1 SAMUEL 8:20 ပူးပေါင်းရင်းမြစ်များ

SALM 106:35

an ṭhit an vat lehlam hna i an ziaza kha an i cawn.

EXODUS 33:16

A ngaingai ti ahcun, kan sin i na kal lo ahcun, na mi hna le keimah cungah Bawipa cu na lung a si ti kha mi nih zeiti hlei in dah an hngalh khawh lai? Nangmah nih na kan kalpi a si ahcun, na mi hna le keimah cu vawleicung midang vialte nakin na kan dawt khun a si lai,” a ti.

JOHAN 15:19

Vawlei ta rak si u law cu, vawlei nih cun amah ta bantukin an dawt ko hna hnga. Sihmanhsehlaw keimah nih hi vawlei chung hin kan thim hna i amah ta nan si ti lo caah an huat hnanak cu a si.

ROM 12:12

Nan i ruahchanmi thawng khan nan tha nuam ko u; harnak nan in tikah lungsau thinfual in um u law thla cam zungzal u.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

FILIPI 3:20

Sihmanhsehlaw kannih cu vancung ram mi kan si i kan Khamhtu Bawipa Jesuh Khrih vancung in a rat lai kha ngangngan ngaiin kan hngak ko.

1 PETER 2:9

Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

1 SAMUEL 12:12

Cun nannih nih Ammon mi siangpahrang Nahash kha nanmah doh awkah a ra ti nan hmuh tikah, Bawipa nan Pathian cu nan siangpahrang a si ko lioah, keimah sinah, ‘Sihlah, siangpahrang nih kan uk ko seh,’ nan ti.

1 SAMUEL 12:2

Cun atu cu, zohhmanh u, siangpahrang nih an hruai cang hna lai; kei cu ka tar cang i ka ṭuak zong a par cang, cun zohhmanh u, ka fapa hna cu nan sinah an um; cun kei cu ka seino lio in nihin ni tiang nan hmaiah kaa chawk lengmang.

1 SAMUEL 8:5

Amah cu an thawh i, “Zohhmanh, na tar cang, cun na fapale nih na lam an zul fawn lo. Cucaah miphun vialte hna cio bangin, a kan uktu ah siangpahrang pakhat kan chiahpiak tuah,” an ti.