1 SAMUEL 7:9 - Lai (Hakha) Common Language Bible 2006

⁹ Cucaah Samuel nih hnuk ding lio tuufa pakhat a lak i Bawipa sinah pum khangh thawinak caah a pekchanh; cun Samuel nih Bawipa cu Israel mi caah a kawh i Bawipa nih amah cu a leh.

1 SAMUEL 7:9 ပူးပေါင်းရင်းမြစ်များ

SALM 50:15

Harnak a phak tikah ka au u, kan khamh hna lai i nan ka thangṭhat lai,” a ti.

SALM 99:6

Moses le Aaron cu a tlangbawi an si, Samuel cu a sinah thla a rak cammi pakhat a si; Bawipa cu an auh i a leh hna.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

LEVITIKAS 22:27

“Cawtum siseh, tuu siseh, meheh siseh, a chuah tikah a pi sinah ni sarih a um lai; cun a ni riat ni thawk cun Bawipa sin i mei in pekchanh awk caah cohlan a si lai.

DEUTERONOMI 9:26

Cun Bawipa sinah hi bangin thla ka cam, ‘Maw Bawipa Pathian, nangmah nih na lianhngannak thawngin na tlanh i Izipt ram in a ṭhawngmi kut he na chuahpimi na mi le na ro cu hrawk hlah,

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

BIACEIHTU 6:26

cun hika ralhau cungah hin Bawipa na Pathian caah lung a ningcang te i tian in biakṭheng pakhat ser tuah; cun cawtum pahnihnak kha i lak law, Asherah na hau laimi thing cun khangh thawinak caah pechan tuah,” tiah a ti.

BIACEIHTU 6:28

Cu khuami cu zingkate i an thawh tikah, zohhmanh, Baal biakṭheng cu a cim i a pawng i Asherah cu aa hau i cawtum pahnihnak cu biakṭheng aa sami cungah cun pekchanh a rak si.

1 SAMUEL 10:8

Cun keimah hlanah Gilgal ah na rak kal lai i, zohhmanh, nangmah sinah khangh thawinak pekchanh awk le daihnak pekchanhnak thawi awkah ka ra lai. Nangmah sinah ka rat i nangmah nih zeidah na tuah awk a si kha kan hmuhsak hlantiang, ni sarih na rak ka hngah lai,” tiah a ti.

1 SAMUEL 12:17

Nihin hi changvut ṭuan ni a si lo mei? Khua a ritter i ruah a surter nakhnga, Bawipa kha ka auh lai i nan ca i nannih nih siangpahrang nan halnak kongah hin Bawipa hmai i nan tuahmi nan ṭhat lonak kha a ngan, ti kha nan hngalh lai i nan hmuh lai,” tiah a ti.

1 SAMUEL 16:2

Cun Samuel nih, “Zeitindah ka kal khawh lai? Saul nih a theih ahcun, a ka thah lai,” tiah a ti. Cun Bawipa nih, “Cawla pakhat in i lak law, ‘Bawipa sin i raithawi awkah ka ra,’ tiah va ti.

1 SAMUEL 2:35

Cun keimah hrimhrim nih zumhawktlak tlangbawi pakhat, ka lung chung le ka ruahnak chungah a ummi ningin a tuahtu ding cu ka chuahter lai; cun amah cu a fekmi innchungkhar ka sakpiak lai i ka chiti thuhmi hmaiah a zungzal in a lut a chuak lai.

1 SAMUEL 7:17

Cun a inn umnak a si caah Ramah ah a ra kir tawn i khika zongah Israel mi kha biading in bia a ceih hna. Cun khika ah Bawipa caah biakṭheng pakhat a ser.

1 SAMUEL 9:12

Annih nih, “A um ko; zohhmanh u, nan hmaite ah khan a kal. I khulranh u; nihin ah hi khuami nih khuahrum bo ah khan raithawinak an ngeih caah khua chungah atu naite ah khan a ra.