1 SAMUEL 7:17 - Lai (Hakha) Common Language Bible 2006

¹⁷ Cun a inn umnak a si caah Ramah ah a ra kir tawn i khika zongah Israel mi kha biading in bia a ceih hna. Cun khika ah Bawipa caah biakṭheng pakhat a ser.

1 SAMUEL 7:17 ပူးပေါင်းရင်းမြစ်များ

GENESIS 33:20

Cuka ah cun biakṭheng pakhat a ser i a min ah El, Elohe-Israel, a sak.

GENESIS 35:7

Cuka ah cun biakṭheng pakhat a ser i cuka hmun cu a min ah Bethel a sak; zeicahtiah a u sinin a zam lioah khan khaka hmun ah khan a sinah Pathian a lang.

ISAIAH 10:29

Maabarah pawng khan an lan i Geba ah zan khat an riak. Ramah khuami hna cu an lau dih i Siangpahrang Saul Siangpahrang khua Gibeah khuami hna kha an zam dih.

BIACEIHTU 4:5

Efraim tlangram chung i Ramah le Bethel karlak i a ummi Deborah ungkung tangah khan a ṭhu tawn i an bia ceih awkah Israel mi cu a sinah an ra tawn.

BIACEIHTU 6:24

Cun khika ah Gideon nih Bawipa caah biakṭheng pakhat a ser i ‘Bawipa cu daihnak a si’ tiah min a sak. Nihin ni tiang hin Abiezer mi hna ta a simi Ofrah khua ah cun a um ko.

1 SAMUEL 1:1

Efraim tlangram Ramathaim-zofim khua ah mipa pakhat a um i a min cu Elkanah a si; amah cu Jeroham fapa a si, Jeroham cu Elihu fapa a si, Elihu cu Tohu fapa a si, Tohu cu Efraim mi Zuf fapa a si.

1 SAMUEL 1:19

Zingka tein an tho i Bawipa cu an biak i Ramah khua i an inn ah khan an tlung. Cun Elkanah nih a nupi Hannah kha a hngalh i Bawipa nih amah kha a philh lo;

1 SAMUEL 11:15

Cucaah mi vialte cu Gilgal ah an kal i khika ah, Gilgal khua ah cun, Saul cu Bawipa hmaiah siangpahrang ah an ser. Khika ah Bawipa hmaiah daihnak thawinak kha an thawi i khika ah Israel mi vialte le Saul cu a tampi an i lawm.

1 SAMUEL 14:35

Cun Bawipa caah Saul nih biakṭheng pakhat a sak; mah cucu Bawipa ca i a sak hmasa bikmi biakṭheng a si.

1 SAMUEL 15:34

Cun Samuel cu Ramah ah a tlung; Saul cu a inn ah Saul khua Gibeah ah khan a hung kal.

1 SAMUEL 2:11

Cun Elkanah cu Ramah khua ah inn ah a tlung. Cun ngakchiapa cu tlangbawi Eli hmaiah Bawipa rian kha a ṭuan.

1 SAMUEL 28:3

Samuel kha atu cu a thi cang i Israel mi vialte nih an ṭah i amah khua Ramah ah khan an vui. Cun Saul nih thitlawnthiam le hnamngei kha ram chungin a dawi dih hna.

1 SAMUEL 8:4

Cun Israel upa vialte kha an i pum i Samuel sinah Ramah ah an ra.

1 SAMUEL 9:12

Annih nih, “A um ko; zohhmanh u, nan hmaite ah khan a kal. I khulranh u; nihin ah hi khuami nih khuahrum bo ah khan raithawinak an ngeih caah khua chungah atu naite ah khan a ra.