1 SAMUEL 7:14 - Lai (Hakha) Common Language Bible 2006

¹⁴ Israel mi hna sinin Filistin mi nih an rak lakmi khua hna kha, Ekron in Gath tiang, Israel sinah pek ṭhan an si i, Filistin mi hna kut chungin Israel mi nih an ram cu an chanh khawh ṭhan. Israel mi le Amor mi hna karlak zongah daihnak a um.

1 SAMUEL 7:14 ပူးပေါင်းရင်းမြစ်များ

1 CHANRELNAK 18:1

Cun mah hnuah cun David nih Filistin mi kha a tei hna i a tangchiah hna i Filistin mi hna kut chung cun Gath le a khuate hna kha a lak hna.

SALM 106:34

Bawipa nih a fial hna bang khan tuah loin lawkihmi cu an that hna lo,

NAMBAR 13:29

Negeb ram ah Amalek mi an um; tlangram ah Hit mi le Jebus mi le Amor mi an um; cun rili pawng le Jordan tiva kam thluahmah ah Kanaan mi an um,” tiah an ti.

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

DEUTERONOMI 7:2

Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.

JOSHUA 10:5

Khi tikah Amor mi siangpahrang panga, Jerusalem siangpahrang, Hebron siangpahrang, Jarmuth siangpahrang, Lakhish siangpahrang, le Eglon siangpahrang hna nih cun an ralkap kha an pumh hna i an ralkap dihlak he khan Gibeon khua cu a pawng in riahhnawh i hung hranh awkah an hung kal.

JOSHUA 15:11

ramri cu Ekron fing tiang chaklei ah a kal, cun Shikkeron leiah aa kuai i Baalah Tlang leiah a kal i Jabneel ah a chuak; cun ramri cu rili ah a dong.

BIACEIHTU 4:17

Sihmanhsehlaw Sisera cu a ke in Ken mi Heber i nupi Jael thlam ah a zam; zeitintiah Hazor siangpahrang Jabin le Ken mi Heber chung hna karlak ah cun remnak a um.