1 SAMUEL 7:10 - Lai (Hakha) Common Language Bible 2006

¹⁰ Samuel nih khangh thawinak kha a pekchanh lioah Filistin mi cu Israel mi kha doh awkah lam nai ah an ra; sihmanhsehlaw khi ni ah Bawipa nih aw fak piin Filistin mi hna cu khuarit in a rithnawh hna i an i tuai dih; Israel mi hna hmai in an zam dih.

1 SAMUEL 7:10 ပူးပေါင်းရင်းမြစ်များ

SALM 18:15

Maw Bawipa, nangmah nih na ral cu na sik hna i na thinhun in na onhhnawh hna tikah rili tawne cu a lang i vawlei hram cu a chin kha aa hung.

SALM 29:3

Bawipa aw cu rili cungah a thang, a sunglawimi Pathian cu khuari bantukin a ri i a aw cu rili cungah khan a thang dih.

SALM 29:4

Bawipa aw cu a than khawh chung le a ṭhawn khawh chungin a thang!

SALM 78:66

A ral cu a khirh hna i a tei cikcek hna, ningzak in a thawh in tho kho ti loin a tei hna.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

DEUTERONOMI 28:7

“Nanmah an dotu hna nan ral hna cu Bawipa nih nan hmaiah a sunghter hna lai; nanmah doh awkah lam pakhat in an ra lai i nan hmaiah lam pasarih in an zam lai.

JOSHUA 10:10

Cun Bawipa nih Israel mi hna hmaiah cun a comcawroi loin a zamter hna i, Gibeon ah cun tampi an thah hna, Beth-horon i hung kainak lam ah cun an dawi hna i Azekah le Makkedah khua tiang an thah lengmang hna.

BIACEIHTU 4:15

Cun Bawipa nih Sisera le a rangleng vialte le a ralkap vialte cu vainam in a sualsawhrok dih cikcek hna; Sisera cu a rangleng cungin a ṭum i a ke in a zaam.

BIACEIHTU 5:20

Vancung khin arfi nih an run tuk, An lam khin Sisera cu an run tuk.

BIACEIHTU 5:8

Annih nih pathian thar kha an i thim hna tikah, Kutka ah raltuknak kha a um. Israel mi sang li chungah khan Phaw siseh, fei siseh, hmuh awk a rak ram maw?

1 SAMUEL 12:17

Nihin hi changvut ṭuan ni a si lo mei? Khua a ritter i ruah a surter nakhnga, Bawipa kha ka auh lai i nan ca i nannih nih siangpahrang nan halnak kongah hin Bawipa hmai i nan tuahmi nan ṭhat lonak kha a ngan, ti kha nan hngalh lai i nan hmuh lai,” tiah a ti.

1 SAMUEL 14:15

Cun riahhmun le lo lak le mi vialte lakah khan launak a um ciammam i ralvengtu ralkapbu le ral hranhtu ralkap hna hmanh cu an ther ko; cun vawlei aa hnin i launak nganpi ah a cang.

1 SAMUEL 2:10

Bawipa a raltu cu kek cikcek in den an si lai; Annih cu van in khuarit in a rithnawh hna lai. Bawipa nih vawlei cung dihlak bia a ceih lai, Amah siangpahrang cu ṭhawnnak a pek lai, Chiti a thuhmi lianhngannak cu a hlorh lai,” tiin a ti.

1 SAMUEL 7:11

Cun Israel mi cu Mizpah khua in an chuak i Filistin mi kha Beth-kar thlang tiangin an dawi hna i an thah hna.