1 SAMUEL 6:17 - Lai (Hakha) Common Language Bible 2006

¹⁷ Mah hihi an bonak he aa lo in sui in sermi, Filistin mi hna nih Bawipa sin i phungbuar thawinak caah an kuatmi cu an si: Ashdod caah pakhat, Gaza caah pakhat, Ashkelon caah pakhat, Gath caah pakhat, Ekron caah pakhat;

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Gath khua ah va thanh hlah u, Askelon khuachung lam zongah va chim hlah u, Filistin fanu hna kha an i lawm sual hnga i Cuarpartan lomi fanu hna kha an di a riam sual hnga.

2 SAMUEL 21:22

Hi pali hna hi Gath khua i a ummi mingan hna hrinthlak kha an si; David kut le a sinum hna kut in an thi.

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

2 CHANRELNAK 26:6

A chuak i Filistin mi kha a doh hna i Gath kulhnak vampang le Jabneh kulhnak vampang le Ashdod kulhnak vampang kha a chimh dih hna; cun Ashdod ram chung le Filistin mi hna lak hmun dang ah khan khua a ser hna.

JEREMIAH 25:20

Izipt mi vialte hna le ramdang mi Izipt ram chung i a ummi vialte hna; Uz ram siangpahrang vialte hna; Filistin khua Ashkelon, Gaza, Ekron le Ashdod khua a tang rihmi cung i siangpahrang vialte hna;

LEVITIKAS 5:7

“Sihmanhsehlaw tuufa kha a ngeih nih a tlinh lo ahcun, sualnak a tuahmi caah khan sual thawinak caah ṭhuro pahnih siseh, laileng no pahnih siseh, Bawipa sinah a rak put lai, pakhat cu sual thawinak caah a si lai i pakhat cu khangh thawinak caah a si lai.

AMOS 1:6

Hihi Bawipa bia an si: Gaza nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo; Annih nih saltangmi kha an bu ning piin an kalpi hna i Edom ah khan an chiah hna.

AMOS 6:2

Kalneh ah cun va kal u law va zoh tuah u, Hamath Ngan ah cun hei lan u law Filistin mi hna khua Gath ah cun vung kal tuah u. Hi ram hna nak hin nan ṭhawng deuh maw? Nan ram tah an ram nakin a ngan deuh maw?

DEUTERONOMI 28:27

Bawipa nih Izipt ram khuaihli le tawlhmat le cuarhmat le thakpherh in an hrem hna lai i damh khawh nan si lai lo.

BIACEIHTU 1:18

Cun Judah nih Gaza le a pawngkam ram. Ashkelon le a pawngkam ram le Ekron le a pawngkam ram hna zong cu a lak hna.

BIACEIHTU 14:19

Cun Bawipa thlarau cu ṭhawng ngaiin a cungah a tlung i Ashkelon ah a vung kal i cu khuami cu sawm thum a vung thah hna i an thuam cu a lak i biahleng a chimtu hna kha puai puan cu a pek hna. Thin lin ngaiin a pa inn ah a hung kir ṭhan.

BIACEIHTU 16:1

Samson cu Gaza ah a va kal i khika ah hlawhhlangnu pakhat a hmuh i a va ihpi.

BIACEIHTU 16:21

Cun Filistin mi nih an tlaih i a mit an khoih i Gaza ah an vun kalpi i dar hreng an khenh; cun thonginn chungah rawl rialnak lung in rawl kha an rialter.

1 SAMUEL 5:1

Filistin mi nih Pathian kuang kha an tlaih tikah, Ebenezer in Ashdod ah an kalpi;

1 SAMUEL 5:10

Cucaah Pathian kuang cu Ekron ah an kuat. Sihmanhsehlaw Pathian kuang cu Ekron ah a phak tikah, Ekron khuami hna nih cun, “Kanmah le kan mi hna kha thah awkah Israel Pathian i a kuang cu kan sinah an ratpi,” tiah an au.

1 SAMUEL 5:8

Cucaah Filistin bawi vialte kha an cah an pumh hna i, “Israel Pathian i a kuang hi zeitindah kan tuah lai?” tiah an ti. Annih nih, “Israel Pathian i a kuang cu Gath hrawngah ratpi si tuah seh,” tiah an leh hna. Cucaah Israel Pathian i a kuang cu cuka ah cun an kalpi.

1 SAMUEL 6:4

Cun annih nih, “Amah kan pek hngami phungbuar thawinak cu zeidah a si lai?” an ti. Annih nih, “Filistin mi hna bawi zat in, nan bonak he aa loin sui in sermi bo panga le sui zu panga; zeitintiah nannih vialte le nan bawi hna cungah a tlungmi rai cu aa khat ko.