1 SAMUEL 6:16 - Lai (Hakha) Common Language Bible 2006

¹⁶ Cun Filistin bawi panga hna nih khan mah cucu an hmuh tikah, khi ni ah Ekron ah an kir.

1 SAMUEL 6:16 ပူးပေါင်းရင်းမြစ်များ

JOSHUA 13:3

(Izipt nichuahlei i a ummi Shihor in chaklei ah Ekron ramri tiang, mah cucu Kanaan mi ram ah rel a si; cun Filistin bawi panga an um, Gaza i le Ashdod i le Ashkelon i le Gath i le Ekron i hna cu an si),

BIACEIHTU 16:5

Cun Filistin bawi hna kha a sinah an ra i, “Lem law, a thazang ṭhapi hi khuazei ah dah a um i zei lam in dah kan tei khawh i kan ṭem khawh i kan hrilh khawh lai, hngalh i zuam tuah; cun kannih nih ngun phar thong khat le za khat cio kan in pek lai,” tiah an ti.

BIACEIHTU 3:3

Cu miphun hna cu mah hihi an si: Filistin mi hna bawi panga le Kanaan mi vialte le Sidon mi hna le Lebanon Tlang i a ummi Hiv mi hna, Baal-hermon Tlang in Hamath luhnak tiang.

1 SAMUEL 5:10

Cucaah Pathian kuang cu Ekron ah an kuat. Sihmanhsehlaw Pathian kuang cu Ekron ah a phak tikah, Ekron khuami hna nih cun, “Kanmah le kan mi hna kha thah awkah Israel Pathian i a kuang cu kan sinah an ratpi,” tiah an au.

1 SAMUEL 6:12

Cun caw hna nih cun ding teomao in Beth-shemesh lei i a kalmi lam pakhat kha paw pah lengmang in an zulh; orhlei ah siseh, kehlei ah siseh an i mer lo; Filistin bawi hna nih Beth-shemesh ramri tiang an zulh hna.

1 SAMUEL 6:4

Cun annih nih, “Amah kan pek hngami phungbuar thawinak cu zeidah a si lai?” an ti. Annih nih, “Filistin mi hna bawi zat in, nan bonak he aa loin sui in sermi bo panga le sui zu panga; zeitintiah nannih vialte le nan bawi hna cungah a tlungmi rai cu aa khat ko.