1 SAMUEL 6:14 - Lai (Hakha) Common Language Bible 2006

¹⁴ Beth-shemesh khuami Joshua lo chungah khan cawleng cu a phan i khika ah a dir. Khika ah lung nganpi pakhat a um. Cawleng thing kha an ceh i caw hna cu Bawipa sinah khangh thawinak caah an pekchanh hna.

1 SAMUEL 6:14 ပူးပေါင်းရင်းမြစ်များ

2 SAMUEL 24:18

Cun cu ni ah Gad cu David sinah a ra i amah cu, “Hung kal law, Jebus mi Araunah phuhri ah Bawipa caah biakṭheng hung ser tuah,” tiah a ti.

2 SAMUEL 24:22

Cun Araunah nih David cu, “Siangpahrang ka bawipa nih a ṭha a timi paoh i lak seh law, pechan ko seh; hika ah khangh thawinak caah cawtum an um, cun a thing caah rawl velhnak fung le cawtum hna hngawng kual thing an um.

2 SAMUEL 24:25

Cun David nih khika ah Bawipa caah biakṭheng a ser i khangh thawinak hna le daihnak thawinak hna kha a pekchanh hna. Cucaah ram ca i nawlnak cu Bawipa nih a cohlan i Israel mi sinin rai cu a ṭian.

1 SIANGPAHRANG 19:21

Cun amah zulhnak cun a kir i cawtum tuah khat cu aa lak i a thah hna i an sa cu caw lei thuannak thing cun a chuan i mi cu a pek hna i an ei. Cun a tho i Elijah kha a zulh i amah cu a rian kha a ṭuanpiak.

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

BIACEIHTU 21:4

Cun a thaizing ah mi cu zingka tein an tho i khika ah biakṭheng pakhat an ser i khangh thawinak le daihnak thawinak kha an pekchanh.

BIACEIHTU 6:26

cun hika ralhau cungah hin Bawipa na Pathian caah lung a ningcang te i tian in biakṭheng pakhat ser tuah; cun cawtum pahnihnak kha i lak law, Asherah na hau laimi thing cun khangh thawinak caah pechan tuah,” tiah a ti.

1 SAMUEL 11:5

Saul cu cawtum kha a hun zul hna i loin a hung tlung; cun Saul nih, “Mi hna hi an zeidah a ti i an ṭah?” tiah a ti. Cucaah Jabesh khuami hna thawngpang kha an chimh.

1 SAMUEL 20:29

‘Ka innchung hna nih khi khua ah raithawinak an tuah i ka u nih khika i um awkah a ka hnek, cucaah ka kalter ko. Cucaah na hmaiah duhdawtnak ka hmuh a si ahcun, ka thlah law, ka ule cu va ka hmuhter tuah hna,’ tiah a ti. Hi ruangah hin siangpahrang cabuai i a rat lonak cu a si,” tiah a ti.

1 SAMUEL 6:13

Beth-shemesh khuami hna cu nelrawn chung i an changvut an ṭuan lio a si i, annih nih khua an hei cuan i kuang kha an hmuh tikah an i lawm.

1 SAMUEL 6:18

Filistin mi hna khua vialte, an bawi panga hna ta a simi, kulhmi khuapi si hna seh, kulh lomi khuate si hna seh, an tam an tlawm zat ningin, sui zu tete zong kha an kuat. A pawng i Bawipa kuang an chiahnak lung nganpi cu, Beth-shemesh khuami Joshua lo ah nihin tiangin hngaltu a si.