1 SAMUEL 6:11 - Lai (Hakha) Common Language Bible 2006

¹¹ Cun Bawipa kuang le sui zu tete le an bonak mui tete an khumhnak thingkuang cu, leng cungah an chiah hna.

1 SAMUEL 6:11 ပူးပေါင်းရင်းမြစ်များ

2 SAMUEL 6:3

Cun Pathian kuang kha cawleng thar in an phorh i tlang cung i a ummi Abinadab inn khan an chuah pi; cun Abinadab fapa Uzzah le Ahio nih khan,

1 CHANRELNAK 13:7

Cun annih nih Abinadab inn khan Pathian kuang cu cawleng thar cungin an kalpi i Uzza le Ahio nih khan cawleng cu an mawngh.

DEUTERONOMI 28:27

Bawipa nih Izipt ram khuaihli le tawlhmat le cuarhmat le thakpherh in an hrem hna lai i damh khawh nan si lai lo.

1 SAMUEL 6:10

Cu bangin an tuah; hnuk sur lio cawpi pahnih cu an lak hna i lengah khan an banh hna i an fale cu inn ah an khumh hna.

1 SAMUEL 6:12

Cun caw hna nih cun ding teomao in Beth-shemesh lei i a kalmi lam pakhat kha paw pah lengmang in an zulh; orhlei ah siseh, kehlei ah siseh an i mer lo; Filistin bawi hna nih Beth-shemesh ramri tiang an zulh hna.

1 SAMUEL 6:4

Cun annih nih, “Amah kan pek hngami phungbuar thawinak cu zeidah a si lai?” an ti. Annih nih, “Filistin mi hna bawi zat in, nan bonak he aa loin sui in sermi bo panga le sui zu panga; zeitintiah nannih vialte le nan bawi hna cungah a tlungmi rai cu aa khat ko.