1 SAMUEL 5:10 - Lai (Hakha) Common Language Bible 2006

¹⁰ Cucaah Pathian kuang cu Ekron ah an kuat. Sihmanhsehlaw Pathian kuang cu Ekron ah a phak tikah, Ekron khuami hna nih cun, “Kanmah le kan mi hna kha thah awkah Israel Pathian i a kuang cu kan sinah an ratpi,” tiah an au.

1 SAMUEL 5:10 ပူးပေါင်းရင်းမြစ်များ

2 SAMUEL 7:9

cun khuazeika na kalnak hmanh ah nangmah sinah ka um i na hmai in na ral vialte kha ka hloh dih hna; cun vawlei cung i mi lianngan hna min bantukin min ngan kan serpiak lai.

2 SIANGPAHRANG 1:2

Ahaziah cu Samaria khua i a innkhaan cung nung i thing kharvar thlalangawng khan a tla i a kuah ko; cucaah lamkal kha a thlah hna i, “Va kal u law, Ekron khua pathian Baal-zebub kha, hi zawtnak hin ka dam ṭhan lai maw dam ṭhan lo, va hal tuah u,” tiah a chimh hna.

1 CHANRELNAK 7:21

Zabad, Shuthelah. Shuthelah hleiah Efraim nih fapa dang pahnih a ngeih hna: Ezer le Elead an si; anmah cu cuka ram Gad mi hna saṭil an fir ruang i an rak thahmi hna kha an si.

AMOS 1:8

Ashdod i a ummi vialte hna le Ashkelon a uktu bawifung aa putmi vialte kha ka hloh dih hna lai; Ekron kha ka kut ka merhnawh lai i Filistin mi a tangmi hna kha an rawk lai. Cucu Bawipa bia a si.

AMOS 6:2

Kalneh ah cun va kal u law va zoh tuah u, Hamath Ngan ah cun hei lan u law Filistin mi hna khua Gath ah cun vung kal tuah u. Hi ram hna nak hin nan ṭhawng deuh maw? Nan ram tah an ram nakin a ngan deuh maw?

JOSHUA 13:3

(Izipt nichuahlei i a ummi Shihor in chaklei ah Ekron ramri tiang, mah cucu Kanaan mi ram ah rel a si; cun Filistin bawi panga an um, Gaza i le Ashdod i le Ashkelon i le Gath i le Ekron i hna cu an si),

JOSHUA 15:11

ramri cu Ekron fing tiang chaklei ah a kal, cun Shikkeron leiah aa kuai i Baalah Tlang leiah a kal i Jabneel ah a chuak; cun ramri cu rili ah a dong.

JOSHUA 15:45

Ekron, a khuapi hna le a khuate hna he;

BIACEIHTU 1:18

Cun Judah nih Gaza le a pawngkam ram. Ashkelon le a pawngkam ram le Ekron le a pawngkam ram hna zong cu a lak hna.

1 SAMUEL 17:52

Cun Israel mi le Judah mi hna cu an tho i an au i Filistin mi cu Gath le Ekron hauka tiang an dawi hna, cucaah hliammi Filistin mi hna cu Shaaraim in Gath le Ekron tiang lampi ah an ril liangluang ko.

1 SAMUEL 5:11

Cucaah Filistin bawi vialte kha an cah an pumh hna i, “Israel Pathian i a kuang cu kalter ko u, kanmah le kan mi hna kha a kan thah nakhnga lo, amah umnak hmun ah kirter ṭhan ko u,” tiah an ti. Zeitintiah khua chungah khan ṭih a nung ngaingaimi launak a um dih. Pathian kut cu khika ah a rit ngaingai ko.

1 SAMUEL 5:9

Sihmanhsehlaw an ratpi hnuah, Bawipa kut nih cu khua cu a ralchanh i launak nganpi a chuahter i cu khuami hna cu a tar a no in a hrem hna i an cungah tak bonak kha a chuak.

1 SAMUEL 6:1

Bawipa kuang cu Filistin mi hna ram chungah thla sarih a um.