1 SAMUEL 4:19 - Lai (Hakha) Common Language Bible 2006

¹⁹ Cun a fapa nupi, Phinehas innchung cu pumlawnglo in a um i a nithla a tling dengmang. Cun Pathian kuang kha an tlaih i a va le a va pa kha an thi ti thawng a theih tikah a kun i fa a hrin; zeicahtiah a nganfah nih a hun phak colh.

1 SAMUEL 4:19 ပူးပေါင်းရင်းမြစ်များ

GENESIS 3:16

Cun minu cu a thawh i, “Fa na pawinak i harnak na inmi kha ka karhter lai, fa na hrinnak i fahnak na inmi kha ka karhter lai; asinain na va cu na duh ṭhiamṭhiam ko lai i amah cu na cung bawi a si lai,” a ti.

GENESIS 35:17

Cu ti i a ngan a fah lioah cun, nau hlawmtu nu nih khan, “Na thinphang hlah, fapa na ngei ṭhan,” a ti.

1 SIANGPAHRANG 14:1

Khi caan ah Jeroboam fapa Abijah kha a zaw.

SALM 78:64

Tlangbawi cu vainam in an thi i an nupile nih khan a ngaih hmanh an ngai kho hna lo.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

1 SAMUEL 4:18

Pathian kuang, ti a vun chim tikah khan Eli cu, kutka pawng i a ṭhutdan cung khan hnulei ah aa ngal; a hngawng a kiak i a thi, zeicahtiah amah cu a tarmi a si i a rit fawn. Israel mi cu kum sawm li bia a ceih hna.

1 SAMUEL 4:20

Cun a thih dengmang lioah khan amah a zohkhentu nu hna nih cun, “Ṭih hlah, zeicahtiah fapa na hrin,” an ti. Sihmanhsehlaw a let hna lo i zei zongah a rel fawn lo.