1 SAMUEL 31:4 - Lai (Hakha) Common Language Bible 2006

⁴ Cun Saul nih a ralthuam putu sinah khan, “Na nam kha i zuh law, tleng lak in ka chun, cu lo ahcun, cuarpartan lo pawl hi an ra lai i an ka chunh ṭhiamṭhiam ṭung lai i lentecelhnak ah an ka ser sual hnga,” tiah a ti. Sihmanhsehlaw a ralthuam putu nih khan a tuah duh lo, zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.

1 SAMUEL 31:4 ပူးပေါင်းရင်းမြစ်များ

2 SAMUEL 1:1

Saul thih hnu i David nih Amalek mi a thah hnanak in a hung kir tikah, David cu Ziklag ah ni hnih a cam;

2 SAMUEL 1:14

David nih amah cu, “Zeitindah a si e, nangmah nih Bawipa chiti thuhmi hrawh awk i na kut zao na ṭih lo cu?” tiah a ti.

2 SAMUEL 1:20

Gath khua ah va thanh hlah u, Askelon khuachung lam zongah va chim hlah u, Filistin fanu hna kha an i lawm sual hnga i Cuarpartan lomi fanu hna kha an di a riam sual hnga.

2 SAMUEL 1:6

Cun amah a chimtu tlangval nih khan, “Zeitimaw in Gilboa tlang ah khan ka rak um ngelcel i, khika ah khan Saul cu a fei kha i rinhchan in a rak dir i zohhmanh, rangleng le rangcung ralkap hna nih khan an naih chin cuahmah cang.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 SAMUEL 21:12

David cu a kal i Filistin mi nih Saul kha Gilboa tlang i an thah ni ah, Filistin mi nih an thlai hnanak hmun Bethshan khua i zapi pumhnak tual khan a va firtu Jabesh-gilead mi hna sin khan Saul ruh le a fapa Jonathan ruh kha an lak hna i

1 SIANGPAHRANG 16:18

Cun Zimri nih khua kha an lak cang, tiah a hmuh tikah, siangpahrang inn chung ralhruang chungah khan a lut i siangpahrang inn cu mei in aa duah chih i a thi;

1 SIANGPAHRANG 16:27

Omri tuahsernak a tang rihmi le ṭhawnnak a langhtermi cu, Israel Siangpahrang hna Chanrelnak Cauk chungah an i ṭial lo mei?

1 CHANRELNAK 10:4

Cun Saul nih a ralthuam putu sinah khan, “Na nam kha i zuh law tleng lak in ka chun, cu ti a si lo ahcun, cuarpartanlo pawl hi an ra lai i lentecelhnak ah an ka ser sual lai,” tiah a ti. Sihmanhsehlaw a ralthuam putu nih khan a tuah duh lo; zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.

BIACEIHTU 14:3

Sihmanhsehlaw a nu le a pa nih, “Na rualchan hna i an fanu hna lakah siseh, kan miphun vialte hna lakah siseh, nu an um lo caah maw cuarpar tan lomi Filistin mi hna lak i nupi ṭhit awkah na kal ko lai?” tiah amah cu an ti. Sihmanhsehlaw Samson nih a pa cu, “Ka ṭhitpiak ko, ka duh tuk cu ta,” tiah a ti.

BIACEIHTU 9:54

Khi tikah a hriamnam putu tlangvalpa cu khulrang in a auh i, “Na vainam kha i zuh law, ka that tuah, cu ti a si lo ahcun, ‘Nu pakhat nih a thah,’ an ka ti sual hnga,” tiah a ti. Cun a tlangvalpa nih cun tleng lakin a chunh i a thi.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

1 SAMUEL 31:5

Cun a ralthuam putu nih khan Saul kha a thi cang tiah a hmuh tikah amah zong nih a vainam kha a bawhkhuh ve i amah sinah cun a thi.