1 SAMUEL 31:1 - Lai (Hakha) Common Language Bible 2006

¹ Cun Filistin mi nih Israel mi cu an tuk hna i Israel mi cu Filistin mi hna hmaiah khan an zam i Gilboa Tlang ah cun an thi liangluang ko.

1 SAMUEL 31:1 ပူးပေါင်းရင်းမြစ်များ

2 SAMUEL 1:21

Gilboa tlang hna, nan cungah ruah sur hlah seh, dap zong tla hna hlah seh lo ṭha zong um hna hlah seh; Zeicahtiah khika ah miṭhawng phaw cu thurhnawmh a si i Saul phaw cu chiti thuh ti loin a ril cang;

2 SAMUEL 1:6

Cun amah a chimtu tlangval nih khan, “Zeitimaw in Gilboa tlang ah khan ka rak um ngelcel i, khika ah khan Saul cu a fei kha i rinhchan in a rak dir i zohhmanh, rangleng le rangcung ralkap hna nih khan an naih chin cuahmah cang.

2 SAMUEL 4:4

Saul fapa Jonathan nih khan fapa pakhat a ngeih i amah cu a ke a bei. Saul le Jonathan kong kha Jezreel in a hung than tikah amah cu kum nga a si; cun a cawngtunu nih khan aa pom duak i a zampi; cun khulrang i a zam lioah khan a thlak sual i a ke kha a bei. Cun a min cu Mefibosheth a si.

1 SAMUEL 12:25

Sihmanhsehlaw ṭhat lonak nan tuah ṭheo ahcun, nanmah he nan siangpahrang he nan lo dih ko lai,” tiah a ti.

1 SAMUEL 28:1

Khi caan ah khan Filistin mi nih an ralkap kha raldoh awk caah, Israel kha doh awkah an pumh hna. Cun Akhish nih David cu a thawh i, “Nangmah le na mi hna kha keimah sinah ralkapbu chungah nan kal ve awk a si kha va hngal ko,” tiah a ti.

1 SAMUEL 28:15

Cun Samuel nih Saul cu, “Zei-cahdah na hun ka chuahternak hin hna na ka hnawh?” tiah a ti. Saul nih a leh i, “Harnak nganpi chungah ka um; zeitintiah Filistin mi nih an ka tuk i Pathian nih hnulei a ka chit cang i profet hna sinin siseh, mang in siseh a ka let ti lo; cucaah nangmah cu zeidah ka tuah awk a si kha a ka chimtu dingah kan kawh,” tiah a ti.

1 SAMUEL 28:19

Cu hleiah Bawipa nih Filistin mi hna kut chungah Israel mi hna zong kha nangmah he a chanh hna lai i thaizing ah nangmah le na fapa hna cu keimah sinah nan um lai; Bawipa nih Israel ralkapbu zong kha Filistin mi hna kut chungah a chanh lai,” tiah a ti.

1 SAMUEL 28:4

Filistin mi cu an i pum i an ra i Shunem ah riahhmun an khuar; cun Saul nih Israel mi vialte kha a pumh hna i Gilboa ah riahhmun an khuar ve.

1 SAMUEL 29:1

Filistin mi nih an ralkap vialte cu Afek ah an pumh hna i Israel mi cu Jezreel i a ummi cerh kamah khan an riak.