1 SAMUEL 30:6 - Lai (Hakha) Common Language Bible 2006

⁶ Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.

1 SAMUEL 30:6 ပူးပေါင်းရင်းမြစ်များ

GENESIS 32:7

Jakob cu a thin a phang ngaingai i a awlok a chong. A sin i a ummi minung hna le a tuu hna le a meheh hna le a caw hna le a kalauk hna kha bu hnih ah a ṭhen hna.

2 SAMUEL 17:8

Cuhleiah Hushai nih cun, “Na pa le a mi hna cu miṭhawng an si le lolak i a fa lakpiakmi vom bantukin an thin a linh kha na hngalh. Cuhleiah na pa cu ral leiah a thiam ngaingaimi a si; mi hna sinah zan ah a riak lai lo.

2 SIANGPAHRANG 4:27

Cun tlang cungah Pathian mi sin kha a phak tikah, a ke kha aa tlaih. Cun amah cu namhlo awkah Gehazi cu a ra. Sihmanhsehlaw Pathian mi nih cun, “Um ko seh, zeitintiah amah cu a lungre a thei ngaingai; hi kong cu Bawipa nih ka sinin a thuh rih i a ka chim rih lo,” tiah a ti.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

SALM 116:10

“Ka lo dimdiam ko cang,” ka ti lio hmanh ah, a zumh cu ka zumh peng ko,

SALM 138:3

Kan auh tikah na ka leh, na ṭhawnnak in na ka ṭhawnter.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 18:6

Ka harnak chungin Bawipa cu ka auh; bawmhnak hal in ka Pathian cu ka auh. A biakinn chungin ka aw kha a theih, bawmhnak ka halnak ka aw cu a hna a phan.

SALM 25:17

Ka lung retheihnak vialte cu ka chawng law ka harnak dihlak chungin ka khamh tuah.

SALM 27:14

Bawipa cu i bochan u! Zumhnak ngei u, nan lung dong hlah u! Bawipa cu i bochan ko u!

SALM 31:24

Bawipa cungah a ruahchannak a chiami vialte hna, lungṭhawng le thazang ṭhawng in um ko u!

SALM 42:11

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 42:5

Zeicahdah ka ngaih a chiat? Zeicahdah ka lungre a theih? Pathian cu kaa bochan ṭhan lai i ka Khamhtu le ka Pathian cu ka thangṭhat ṭhan lai.

SALM 42:7

Tithuk nih tithuk kha a chawnh; Pathian tisor cu a huk in an huk! Annih cu ka nunnak a leh chihtu ngaihchiatnak tilet an si.

SALM 56:11

Amah cu kaa bochan i ka thin a phang lo, minung menmen nih cun zeidah an ka ti khawh lai?

SALM 62:1

Pathian lawnglawng kaa bochan, amah sinin ka khamhnak cu a ra.

SALM 62:5

Pathian lawnglawng kha kaa bochan, amah lawnglawng kha kaa ruahchan.

SALM 71:4

Ka Pathian, miṭhalo hna kut chungin ka khamh tuah, mipuarhrang le miding lo hna kut chungin ka khamh ko.

SALM 71:5

Bawipa, nangmah cungah ka ruahchannak vialte kha ka chiah, ka no lio tein nangmah cu kan bochan zungzal.

EXODUS 17:4

Moses nih Bawipa sinah khan thla fakpi in a cam i, “Hi mi hna hi zeitindah ka tuah hna lai? Atu hi lung in a cheh zong an ka cheh sual ko lai,” a ti.

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

ISAIAH 25:4

Sifak rethei, bawmtu ngei lomi nih khan an in fuh i harnak caan ah him tein na umter hna. Thlichia a hran tikah an i dornak na si i ni a linh tikah an naidem na si. Mipuar nih cun khuasik caan thlichia bantuk le

JEREMIAH 16:19

Maw Bawipa, nangmah cu ka thazang le ka ralhruang, harnak caan i ka himnak na si; Vawlei khuazakip in miphun hna kha na sinah an ra lai i ‘Kan pupa hna nih an rak comi cu hlennak le pakpalawng le santlai lomi siasal men kha an rak si ko.

JONAH 2:2

“Ka harnak chungin maw Bawipa kan auh i na ka leh; Sheol paw chungin bawmhnak hal awkah ka au i ka aunak cu na ka theihpiak.

NAMBAR 14:10

Sihmanhsehlaw an bu ning piin, lung in cheh an zalh hna. Cun Bawipa sunparnak cu tonnak thlam ah khan Israel mi vialte sinah a lang.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

MATTHAI 27:22

Cun Pilat nih cun, “Khrih timi Jesuh cu zeitindah ka tuah kun lai?” tiah a hal hna. Annih nih, “Vailam ah khenh chih ko,” tiah an leh.

JOHAN 8:59

Amah chehnak ah lung kha an i char, sihmanhsehlaw Jesuh cu aa thup i biakinn chung khan aa zuk.

ROM 4:18

Ruahchan ding zeihmanh a um lo zongah hnabeisei ngaiin a rak zumh ṭhiamṭhiam caah khan Cathiang nih, “Na tefa hna cu arfi zat an si lai,” tiah a ti bang khan “Miphun tampi hna pa” ah khan a cang.

ROM 4:20

Pathian biakamhmi kha zum loin a um hlei lo, a zumhnak nih cun ṭhawnnak in a khahter i Pathian kha a thangṭhat ko.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

2 KORIN 1:6

Temhnak kan in ahcun nanmah hnangamnak le khamhnak caah a si; cun hnangamnak kan hmuh ahcun nannih zong nih nan hmuh ve i kan inmi temhnak kha lungsau in nan in khawh ve nakhnga thazang pek nan si.

2 KORIN 4:8

Khatlei khatlei in an kan rial dip lengmang, sihmanhsehlaw kan kek ngaingai bal lo; lungawṭawm in kan um tawn, sihmanhsehlaw kan hnabei a dong bal lo;

2 KORIN 7:5

Masidonia kan phak hnu hmanh ah dinh mui kan hmu hlei lo. A kenkip ah harnak a um, pakhat le pakhat an i si, kan lung chungah phannak a um.

HEBRU 13:6

Cucaah kannih cu kan ralṭha u si law, “Bawipa cu a ka bawmtu a si, zeihmanh ka ṭih lai lo. Minung nih ka cungah zeidah an tuah khawh lai?” tiah ti u sih.

BIACEIHTU 18:25

Cun Dan mi hna nih amah cu, “Kan sinah hin bia chim len ko hlah, thin tawimi hna nih an in ṭhuat sual lai i na nunnak le na innchungkhar hna nunnak kha na sung sual lai,” tiah an ti.

BIACEIHTU 20:22

Sihmanhsehlaw Israel mi cu an i serh ṭhan i hmasa bik ni i an ṭan hmun khuarnak hmun ah khan ṭan hmun an khuar ṭhan.

1 SAMUEL 1:10

Cun Hannah cu a lungre a thei ngaingai i Bawipa sinah thla a cam i lunghno ngai tein a ṭap.

1 SAMUEL 23:16

Cun Saul fapa Jonathan kha a tho i David sinah Horesh ah khan a kal i amah kha Pathian ah a kut a fehter.

1 SAMUEL 28:15

Cun Samuel nih Saul cu, “Zei-cahdah na hun ka chuahternak hin hna na ka hnawh?” tiah a ti. Saul nih a leh i, “Harnak nganpi chungah ka um; zeitintiah Filistin mi nih an ka tuk i Pathian nih hnulei a ka chit cang i profet hna sinin siseh, mang in siseh a ka let ti lo; cucaah nangmah cu zeidah ka tuah awk a si kha a ka chimtu dingah kan kawh,” tiah a ti.