1 SAMUEL 30:26 - Lai (Hakha) Common Language Bible 2006

²⁶ David cu Ziklag a phanh tikah hranchaw a cheu cu Judah ram upa a hawikom hna sinah khan a kuat i, “Bawipa ral hna sinin lakmi hranchaw chungin nanmah ca i laksawng a si,” tiah a ti;

1 SAMUEL 30:26 ပူးပေါင်းရင်းမြစ်များ

GENESIS 33:11

Nangmah caah ka rak phorhmi ka laksawng cu ka cohlanpiak ko hna; Pathian nih a ka zaangfah i ka herhmi vialte kha a ka pek ko,” a ti. Aa lak hlan lo a nawl lengmang.

2 SAMUEL 1:1

Saul thih hnu i David nih Amalek mi a thah hnanak in a hung kir tikah, David cu Ziklag ah ni hnih a cam;

2 SIANGPAHRANG 5:15

Khi tikah Pathian mi sinah khan, amah he a mi pawl vialte he an va kir i a hmaika ah khan a va dir cun aa thawh i, “Zohhmanh, Israel ram chungah dah ti lo ah cun, vawlei cung vialte ah Pathian a um lo ti kha ka hngalh; cucaah na sal sin hin laksawng cohlang tuah,” tiah a ti.

SALM 35:27

Ka luat caah a lung aa lawmmi cu lawmhnak in au hna seh law, “Bawipa cu a lianngan ko, a sal nih hlawhtlinnak a hmuh i amah cu a lawmhpi,” tiah chim lengmang hna seh.

SALM 68:18

Tlang sang par ah cun a hung kai i sal tlaihmi tampi aa hruaih hna; amah a dohtu hna nih khan amah cu laksawng an pek. Cuka ah cun Bawipa Pathian cu a um lai.

ISAIAH 32:8

Sihmanhsehlaw lihchim lomi nih cun thil a tuah tikah lihchim lo tein a tuah i a hmaanmi thil kong ah khan fek tein a dir.

2 KORIN 9:5

Cucaah hi kan unau hna hi ka hlanah nan sin i ratter i nan i kammi laksawng kha timhcia tein rak chiah cu a herh tiah ka ruah. Cun kei ka hung phak tikah timhcia te cun a rak um cang lai i hnekchommi si loin pek nan duh hrimhrim ca i nan pekmi a si kha a lang lai.

1 SAMUEL 18:17

Cun Saul nih David cu, “Hika ah hin ka fanu upa deuh Merab a um ko; nupi caah kan pek lai; keimah caah na ral bel ṭha ko law, Bawipa raldohnak cu do ko hna,” tiah a ti. Zeitintiah Saul nih, “Keimah kut cun thi hlah seh, sihmanhsehlaw Filistin mi hna kut tu in thi deuh seh,” tiah a ruah.

1 SAMUEL 25:27

Cun na sal nih ka bawipa sinah ka rak putmi laksawng hi ka bawipa zultu tlangval hna cu pek si hna seh.

1 SAMUEL 25:28

Na salnu ka sualnak cu ka ngaithiam ko sawh; zeitintiah ka bawipa nih Bawipa raltuknak kha a tuk caah Bawipa nih ka bawipa cu a fekmi inn a serpiak ṭheo lai i na nun chung paohpaoh nangmah chungah ṭhat lonak hmuh awk a um lai lo.

1 SAMUEL 30:20

David nih tuurun vialte le cawrun vialte zong kha a tlaih hna i a hmaiah mi nih an khalh hna i, “Mah hihi David hranchaw a si,” an ti.

1 SAMUEL 30:25

Cun cu ni thawk in nihin ni tiang Israel mi hna caah mah cucu nawlbia le phunglam ah a ser i nihin tiang a hmun.