1 SAMUEL 30:24 - Lai (Hakha) Common Language Bible 2006

²⁴ Hi kongah hin cun aho nih dah nan bia an in ngaih hna lai? Zeitintiah raltuknak hmun i a vung kalmi nih a tin a co bantuk tein thil a rak hngakmi zong nih a tin a co ve lai; aa khatrep in an i ṭhenh cio awk a si,” tiah a ti.

1 SAMUEL 30:24 ပူးပေါင်းရင်းမြစ်များ

SALM 68:12

“Siangpahrang hna le an ralkap hna cu an zam cang,” an ti. Inn i a ummi nu hna nih khan, hranchaw an tlaihmi kha an rak i phaw;

NAMBAR 31:27

Cun hranchaw cu raldohnak i a kalmi ralkap hna le aa pummi vialte hna caah cheu hnih ah nan cheu lai.

JOSHUA 22:8

annih sinah, “Chawva a tampi le saṭil tampi le ngun, sui, dar, le thir le thilpuan tampi he nan inn ah va kal tuah hna u; nan ral hna sinin nan lakmi hranchaw kha nan unau hna he vaa phaw u,” tiah a ti.

1 SAMUEL 22:2

Cun harnak a tongmi paoh le leiba a ngeimi paoh le a lung a tling lomi paoh nih khan amah cu an fuh; cun annih hna haotu ah a cang. Cun amah sinah cun mi za li tluk an um.

1 SAMUEL 25:13

Cun David nih a mi hna cu, “Nan vainam i thlaih dih uh,” tiah a ti hna. Cun an dihlak in an vainam cu an i thlaih; David zong nih a vainam cu aa thlaih ve; cun David cu za li tluk nih an hun zulh i za hnih nih an thil kha an rak hngah.

1 SAMUEL 30:23

Sihmanhsehlaw David nih a thawh hna i, “Ka u le ka nau hna, hi bantukin Bawipa nih a kan pekmi thil kongah nan tuah hnga lo; kannih kha a kan zuah i a kan dohtu bu kha kan kut chungah a kan pek cang.

1 SAMUEL 30:25

Cun cu ni thawk in nihin ni tiang Israel mi hna caah mah cucu nawlbia le phunglam ah a ser i nihin tiang a hmun.