1 SAMUEL 30:23 - Lai (Hakha) Common Language Bible 2006

²³ Sihmanhsehlaw David nih a thawh hna i, “Ka u le ka nau hna, hi bantukin Bawipa nih a kan pekmi thil kongah nan tuah hnga lo; kannih kha a kan zuah i a kan dohtu bu kha kan kut chungah a kan pek cang.

1 SAMUEL 30:23 ပူးပေါင်းရင်းမြစ်များ

GENESIS 19:7

Annih cu a thawh hna i, “Ka duate le, zei kan ti hnga, hi bantuk ṭhat lonak cu tuah sawh hlah u!

HABAKKUK 1:16

Cucaah an sur ngan kha raithawinak an pekchanh hna i an sur kha khangh thawinak an pekchanh hna; Zeicahtiah nun nuam ngaiin an nunnak le rawl tampi an ngeih khawhnak cu an sur hna thawng cun a si.

LAMKALTU 22:1

Paul nih cun a thawh hna i, “U le nau hna le pale hna, nan hmai i kaa humhaknak bia ka chim tikah hin ka bia hi ka ngaihpiak tuah u,” tiah a ti.

LAMKALTU 7:2

Steven nih cun a leh i, “U le nau le pale hna, ka bia hi ngai tuah u! Kan pu Abraham cu Haran khua i va um awkah a rak i thawh hlan, Mesopotamia ram i a rak um lioah khan sunparnak Pathian cu a sinah a rak lang i,

DEUTERONOMI 8:10

Cun nan ei lai i nan khim lai i Bawipa nan Pathian cu, ram ṭha an pekmi hna caah cun, nan lawmh lai.

DEUTERONOMI 8:17

Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

BIACEIHTU 19:23

Cun mipa inn ngeitupa kha, an sinah a va chuak i annih cu, “Asilo, ka nau le hna, ṭhalo tuk hringhran in um hlah u; hi mipa nih ka inn chungah a luh cang caah hi thil ṭhalo cu tuah hlah u.

1 SAMUEL 2:7

Bawipa nih a pamter tawn hna i a rumter tawn hna; A ṭhumh tawn hna i a hlorh zong a hlorh tawn hna.

1 SAMUEL 30:22

Khi tikah David sin i a kalmi miṭhalo hna le misual hna nih khan an thawh i, “Annih cu kan sinah an kal lo caah kan va lak ṭhanmi hranchaw hi zeihmanh kan pe hna lai lo, amah belte, an nupile le an fale cio kha i hruai hna seh law, kal ko hna seh,” tiah an ti.

1 SAMUEL 30:24

Hi kongah hin cun aho nih dah nan bia an in ngaih hna lai? Zeitintiah raltuknak hmun i a vung kalmi nih a tin a co bantuk tein thil a rak hngakmi zong nih a tin a co ve lai; aa khatrep in an i ṭhenh cio awk a si,” tiah a ti.

1 SAMUEL 30:8

Cun David nih Bawipa kha a hal i, “Hi bu hi ka dawi hna lai maw? Ka phan hna hnga maw?” tiah a ti. A leh i, “Dawi hna, zeicahtiah na phak hrimhrim hna lai i na chanh khawh hrimhrim hna lai,” tiah a ti.