1 SAMUEL 30:16 - Lai (Hakha) Common Language Bible 2006

¹⁶ Cun amah nih a vun kalpi tikah khan, zohhmanh, Filistin mi ram le Judah ram in hranchaw kha tampi an lak caah a kenkip ah an rak i ṭhek dih i an rak ei, an rak ding, an rak lam len ko.

1 SAMUEL 30:16 ပူးပေါင်းရင်းမြစ်များ

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

1 CHANRELNAK 4:43

cun annih nih a luatmi Amalek mi a tang rihmi hna kha an hrawh hna i khika ah nihin ni tiangin khua an sa.

JOB 20:5

Miṭhalo lawmhnak cu tawite lawng a si i Pathian zei ah a rel lomi thanuamnak cu caan tawite lawng a si.

SALM 119:162

Bia na kammi thawngin zeitluk in dah ka lung aa lawmh, ro chaw aa hmuhmi bantukin kaa lawm.

EXODUS 32:6

A thaizing zingkate ah cun khangh thawinak sa kha an thawi hna i hawikomhnak thawinak caah saṭil kha an rak put hna. Mi zapi cu ei awk le din awkah an ṭhu i i nuam ngaiin an um.

ISAIAH 22:13

Sihmanhsehlaw a nih salam men in nan ni i puai tu nan tuah. Tuu le caw kha nan that i zu nan ding. “Ding in ei ko u sih! Thaizing ah cun kan hei thi dih ko lai hen cu,” nan ti.

ISAIAH 9:3

Bawipa, nangmah nih annih cu lunglawmhnak nganpi na pek hna i an tha na nuamter hna. Mi nih rawl an ṭuan tikah an i lawmh bantuk le an tlaihmi hranchaw an i phawt tikah an i lawmh bantukin Nangmah nih na tuahpiakmi hna cungah khan an i lawm.

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

JOSHUA 22:8

annih sinah, “Chawva a tampi le saṭil tampi le ngun, sui, dar, le thir le thilpuan tampi he nan inn ah va kal tuah hna u; nan ral hna sinin nan lakmi hranchaw kha nan unau hna he vaa phaw u,” tiah a ti.

BIACEIHTU 8:11

Cun Gideon cu, a bu in khualtlawnnak lam, Nobah le Jogbehah nichuahlei khan a hung kal i ralkapbu a hung tuk hna; ralkap cu hnangam tuk in an rak um.

1 SAMUEL 30:14

Khereth mi hna Negeb le Judah ta a simi le Kaleb i a Negeb kha kan hranh hna i Ziklag kha mei in kan khangh,” tiah a ti.

1 SAMUEL 30:15

Cun David nih amah cu, “Hi bu sinah hin na vun ka kalpi lai maw?” tiah a ti. Cun anih nih, “Kan that lai lo, cun na bawipa sinah kan pe ṭhan lai lo, tiin Pathian min in ka sinah chiat ser law, hi bu sinah hin ka vun in kalpi ko lai,” tiah a ti.