1 SAMUEL 3:19 - Lai (Hakha) Common Language Bible 2006

¹⁹ Cun Samuel cu a ṭhang i Bawipa cu a sinah a um i a bia kha pakhat hmanh vawlei ah a lohlakter lo.

1 SAMUEL 3:19 ပူးပေါင်းရင်းမြစ်များ

GENESIS 21:22

Cu caan ah cun Abimelek cu a ralbawi ngan bik Fikol he khan Abraham sinah cun an va kal i, “Na tuahmi thil kip ah Pathian nih an umpi.

GENESIS 28:15

Khuazeika na kalnak hmanh ah kan umpi zungzal lai i kan huhphenh zungzal lai, cucu philh hlah, cun hi ram ah hin kan kirpi ṭhan lai. Kan chimhmi vialte ka tuah dih hlanah cun nangmah cu kan kaltak lai lo,” tiah a ti.

GENESIS 39:2

Bawipa nih Josef cu a umpi i a caah thil kalning a tluang dih ko. A bawipa Izipt mipa inn ah cun a um.

GENESIS 39:3

Bawipa nih Josef cu a umpi i zei a tuahnak hmanh ah Bawipa nih a tlam a tlinter ti kha a bawipa nih cun a hmuh.

1 SIANGPAHRANG 8:56

“A biakam vialte ningin a mi Israel mi dinhnak a petu Bawipa cu thangṭhat si ko seh; a sal Moses sinin a chimmi a biakam ṭha vialte cu bia pakhat hmanh a pelhmi a um lo.

2 SIANGPAHRANG 10:10

Cucaah Bawipa nih Ahab innchungkhar kong ah a chimmi, Bawipa bia cu, sawhsawh in pakhat hmanh vawlei ah a tla lai lo, ti kha hngal tuah u; zeitintiah Bawipa nih a sal Elijah in a chimmi kha a tuah cang,” tiah a ti.

2 SIANGPAHRANG 15:12

(Mah hihi Bawipa nih Jehu sinah biakamnak a pekmi cu a si, “Na fapa hna cu Israel bawi ṭhutdan cungah chan li tiang an ṭhu lai,” tiin. Cu bang cun a si taktak.)

2 SIANGPAHRANG 22:16

Hi bangin Bawipa nih a ti, zohhmanh, Judah siangpahrang nih cauk chung bia a relmi vialte kha, hi hmun cung le a chung i a ummi cungah ṭhat lonak ka tlunter lai,

ISAIAH 43:2

Ti thuk na tan tikah na sinah ka um lai, harnak na inmi nih an tei lai lo. Mei alh na tan tikah an kangh lai lo, harnak na inmi nih an hliam lai lo.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ISAIAH 55:11

Cu bantuk cu ka kaa in a chuakmi bia cu a si ve lai — ka sinah a lawngin a ra kir ṭhan lai lo, tuah seh tiah ka fialmi kha a tlolh lai lo i ka thlahhnawh chanmi thil ah khan a tlam a tling lai.

LUKA 1:28

Vancungmi kha a sinah cun a ra i. “Na cungah daihnak um ko seh. Bawipa cu na sinah a um i thluachuahnak tam piin an pek,” tiah a ti.

LUKA 1:80

Ngakchia cu a hung ṭhang i thlarau in a ṭhawngmi a si; Israel mi zapi sinah a hun i langh hlantiang, thetse ram ah cun a um.

LUKA 2:40

Ngakchia cu a hung ṭhang i a hung ṭhawng; fimnak in a khat i Pathian thluachuahnak kha a cungah a um.

LUKA 2:52

Cun Jesuh cu pum lei in siseh, fimnak lei in siseh, a hung ṭhang i Pathian hmai le minung hmaiah mithmai ṭha a hmu.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

DEUTERONOMI 18:22

profet pakhatkhat nih Bawipa min in bia a chim tikah cu bia cu a tlin lo le a dik lo ahcun, cu bia cu Bawipa nih a chim lomi bia cu a si; profet nih amah duh in a chimmi a si, amah cu nan ṭih awk a si lo.

2TIMOTE 4:22

Bawipa cu na thlarau sinah um ko seh. Nan dihlak sinah Pathian vel cu um ko seh.

JOSHUA 21:45

Bawipa nih Israel chungle hna sinah biakamnak ṭha a sermi vialte lakah khan pakhat hmanh pakpalawng ah a cangmi a um lo; an dihlak tein a tling dih.

BIACEIHTU 13:24

Cun nu nih cun fapa a hrin i a min ah Samson a sak; cun ngakchiapa cu a ṭhang i Bawipa nih thluachuahnak a pek.

1 SAMUEL 10:7

Cun hi hmelchunhnak hi na ton hna tikah, thil umtuning nih a serning paoh in va tuah ko, zeitintiah Pathian cu na sinah a um.

1 SAMUEL 12:2

Cun atu cu, zohhmanh u, siangpahrang nih an hruai cang hna lai; kei cu ka tar cang i ka ṭuak zong a par cang, cun zohhmanh u, ka fapa hna cu nan sinah an um; cun kei cu ka seino lio in nihin ni tiang nan hmaiah kaa chawk lengmang.

1 SAMUEL 16:18

Tlangval pakhat nih khan a hun leh i, “Zohhmanh, Bethlehem khuami Jesse fapa pakhat, tingtang tum a thiammi, mi ralṭha, raldoh thiammi, biachim holh rel i a fimmi, mui dawh ngai, ka hmuh; cun Bawipa cu amah sinah a um,” tiah a ti.

1 SAMUEL 18:12

Saul nih David kha a ṭih; zei-cahtiah amah sinah khan Bawipa a um, sihmanhsehlaw Saul kha cu a chuahtak cang.

1 SAMUEL 18:14

Cun Bawipa kha amah sinah a um caah David cu a thil tuahmi vialte ah a hlawhtling.

1 SAMUEL 18:5

Cun David cu Saul nih a kuatnak paoh ah khan a hlawhtling; cucaah Saul nih ralkap hna haotu ah khan a ser. Cun mah hihi mi vialte mithmuh le Saul sinum hna mithmuh zongah khan thil ṭha a si.

1 SAMUEL 2:21

Cun Bawipa nih Hannah cu a vung ven i fa a pawi i fapa pathum le fanu pahnih a hrin hna. Cun ngakchiapate Samuel cu Bawipa hmaika ah cun a ṭhang.

1 SAMUEL 2:26

Cun ngakchiapate Samuel cu pum in siseh, Bawipa le minung duhning in siseh a ṭhang lengmang.

1 SAMUEL 9:6

Sihmanhsehlaw anih nih amah cu, “Zohhmanh, hi khua chungah hin Pathian mi pakhat a um i amah cu an hmaizah ngaimi a si; a chimmi vialte kha a tling dih ko. Khika ah va kal u sih; kan pawhhnawhmi kan khual tlawnnak kong hi a hei kan chimh khawh ko hnga dah kaw,” tiah a ti.