1 SAMUEL 3:14 - Lai (Hakha) Common Language Bible 2006

¹⁴ Cucaah Eli innchungkhar hna cu raithawinak in siseh, pekchanhnak in siseh, sualthianhpiak khawh, zungzal in an si lai lo, tiah Eli innchungkhar hna sinah cun chiat ka ser cang,” tiah a ti.

1 SAMUEL 3:14 ပူးပေါင်းရင်းမြစ်များ

SALM 51:16

Raithawinak hi na duhmi an si lo, rak si hna seh law cu ka rak in pek ko hnga; na lawmhmi cu khangh thawinak zong hi a si lo.

ISAIAH 22:14

Ralkapbu Bawipa hrimhrim nih a ka chawnh i, “Hi thil ṭhalo hi, an nun chung paoh cu, ngaihthiam an si bal lo. Hi bia cu Bawipa Ralkapbu Pathian nih ka chimmi a si,” a ti.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 7:16

Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.

EZEKIEL 24:13

Cu bantukin na zuanzam thurhhnawmhnak in kan thianh tik hmanh ah cun na thiang rih lo, Cucaah na cung i ka thinhunnak ka tlinter cikcek hlantiang cu na thiang bal lai lo, a ti.

LEVITIKAS 15:31

“Cu bangin Israel mi hna cu an thian lonak in nan fimkanter hna lai, annih lak i a ummi keimah puan biakinn thurternak in an thih sual nakhnga lo,” a ti.

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?” tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.