1 SAMUEL 29:6 - Lai (Hakha) Common Language Bible 2006

⁶ Khi tikah Akhish nih David kha a kawh i a sinah, “Bawipa nih a nun bangin, nangmah cu midik ngaingai na si i hi raldohnak i kan kalnak ah hin keimah sin i na luh na chuah ve hi a ding ko, tiah ka ruah; zeitintiah ka sinah na rat ni in nihin ni tiang nangmah chungah zeihmanh ṭhat lonak ka hmu lo. Sihmanhsehlaw bawi pawl nih nangmah cu an hna na tla lo.

1 SAMUEL 29:6 ပူးပေါင်းရင်းမြစ်များ

GENESIS 16:6

Cun Abram nih a leh i, “A ṭha ko, amah cu na sal a si i na kut tangah pei a um ko cu; na duhning paoh in a cungah tuah ko,” a ti. Cucaah Sarai nih cun a vun hrem ve i Hagar cu a tli.

2 SAMUEL 3:25

Ner fapa Abner nih hin nangmah kha hlen awkah le na luh na chuah le na tuahmi vialte kha hngalh awkah a ra tiah na hngalh ko ṭung,” tiah a ti.

2 SIANGPAHRANG 19:27

Sihmanhsehlaw na ṭhut, na luh, na chuah le ka cung i na thinhun kha ka hngalh ko.

SALM 121:8

Atu in zungzal tiang, na chuahlei siseh, na luhlei siseh, an zohkhenh zungzal lai.

ISAIAH 37:28

“Asinain nangmah kong cu a dihlak in ka hngalh dih; zei na tuah le khuazei i na kal kha ka hngalh dih. Zeitluk in dah ka cung i na thin a hun kha ka hngalh.

ISAIAH 65:16

Ram chung i a ummi ahopaoh nih thluachuahnak an hal tikah Pathian cu thluachuahnak kan pe tiah an hal lai, amah cu zumhawktlak a si. Chiat a sermi paoh nih Pathian min in an ser lai, amah cu zumhawktlak a si. Hlanlio harnak kha cu an dih cang lai i philh an si cang lai,” a ti.

JEREMIAH 12:16

Cun ka mi hna cu Baal min in chiatser an rak cawnpiak hna bantuk khan, annih zong nih ka mi hna biaknak kha an lungthin dihumnak in an i lak ve i, ‘Bawipa a nun bangin,’ ti in chiat an ser ve ahcun, ka mi hna lakah telh chihmi innchungkhar an si ve lai.

NAMBAR 27:17

an hmaiah a kal ding le an hmaiah a ra ding le, a chuahpitu hna le a luhpitu hna ah chia ko seh; Bawipa mibu cu tuukhal ngei lo tuu hna bantukin an si nakhnga lo,” tiah a ti.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

DEUTERONOMI 10:20

Bawipa na Pathian cu na ṭih lai; a rian na ṭuan lai i amah ah naa bek lai i amah min chalh in chiat na ser lai.

JOSHUA 22:30

Tlangbawi Phinehas le amah sinah a ummi mibu bawi hna, Israel miphun an lu cio hna nih cun, Reuben mi hna le Gad mi hna le Manasseh mi hna nih an chimmi bia kha an theih tikah, an lung a lawm ngaingai ko.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

1 PETER 3:16

Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

1 SAMUEL 28:10

Sihmanhsehlaw Saul nih a sinah cun Bawipa min chalh in chiat a ser i, “Bawipa a nun bangin, hi thil ruangah hin na cungah dantatnak a tlung lai lo,” tiah a ti.

1 SAMUEL 29:3

Filistin mi ralbawi hna nih cun an thawh i, “Hi Hebru mi hna hi hika ah hin zeidah an tuah?” tiah an ti. Cun Akhish nih Filistin mi ralbawi hna sinah cun, “Mah hihi Israel siangpahrang Saul i a sal David, keimah sin i ni hi zat le kum hi zat a um cangmi, keimah sin i a rung zam hnu i a cung i palhnak zeihmanh ka hmuh lomi kha a si lo maw?” tiah a ti.

1 SAMUEL 29:7

Cucaah va kir law, Filistin bawi pawl hi lung si loin na umter hna nakhnga lo, dai tein va kal ko,” tiah a ti.

1 SAMUEL 5:8

Cucaah Filistin bawi vialte kha an cah an pumh hna i, “Israel Pathian i a kuang hi zeitindah kan tuah lai?” tiah an ti. Annih nih, “Israel Pathian i a kuang cu Gath hrawngah ratpi si tuah seh,” tiah an leh hna. Cucaah Israel Pathian i a kuang cu cuka ah cun an kalpi.