1 SAMUEL 29:3 - Lai (Hakha) Common Language Bible 2006

³ Filistin mi ralbawi hna nih cun an thawh i, “Hi Hebru mi hna hi hika ah hin zeidah an tuah?” tiah an ti. Cun Akhish nih Filistin mi ralbawi hna sinah cun, “Mah hihi Israel siangpahrang Saul i a sal David, keimah sin i ni hi zat le kum hi zat a um cangmi, keimah sin i a rung zam hnu i a cung i palhnak zeihmanh ka hmuh lomi kha a si lo maw?” tiah a ti.

1 SAMUEL 29:3 ပူးပေါင်းရင်းမြစ်များ

GENESIS 14:13

Sihmanhsehlaw a luat sualmi pakhat nih Hebru mi Abram cu cu kong cu a chimh. Abram cu Mamre thingzarh pawng i khua a sami a si, Mamre cu Eshkol le Aner hna u kha a si i hi hna hi Abram he ṭangṭi an si.

1 CHANRELNAK 12:19

David cu Saul doh awkah Filistin mi hna he an rat tikah, Manasseh mi cheukhat cu a sinah khan an zam. A ngaingai ti ahcun, Filistin mi kha a bawm hna lo, zeicahtiah Filistin siangpahrang hna nih khan hmasa a bawipa Saul sinah khan a kan lei sual lai ti an phang i Ziklag ah an kirter.

1 CHANRELNAK 12:20

Anih cu Ziklag i a kal ah khan hi Manasseh mi hna hi a sin i an zam cu a si: Cu hna cu Adnah, Jozabad, Jediael, Michael, Jozabad, Elihu le Zillethai, Manasseh chung i a thong pawl haotu bik hna kha an si.

DANIEL 6:5

A rian a tlolhnak siseh, thil ṭhalo a tuahmi siseh, zeihmanh an hmuh khawh lo caah an i thawh i, “Hi Daniel hi sual puh khawh awk zeihmanh a um lo, a biaknak lei dah i kan kawl khawh lo ahcun,” tiah an ti.

JOHAN 19:6

Tlangbawi upa hna le palik pawl nih khan Jesuh cu an hmuh tikah, “Vailam ah khenh chih ko! Vailam ah khenh chih ko!” tiah an au. Pilat nih cun annih cu, “Nanmah nih kalpi u law vailam ah cun va khenh chih u. Kei cu a sualnak ka hmu lo,” tiah a ti hna.

ROM 12:17

Mi nih nan cungah ṭhat lonak an tuah ahcun ṭhat lonak in va lehrul hna hlah u. Mi vialte nih a ṭha tiah an ruahmi kha tuah i zuam u.

1 PETER 3:16

Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.

1 SAMUEL 14:11

Cucaah an pahnih in Filistin mi ralvengtu ralkapbu sinah cun an hei i langhter; cun Filistin mi hna nih cun, “Zohhmanh u, an i thuhnak kua chungin Hebru mi an chuak cang khi,” tiah an ti.

1 SAMUEL 25:28

Na salnu ka sualnak cu ka ngaithiam ko sawh; zeitintiah ka bawipa nih Bawipa raltuknak kha a tuk caah Bawipa nih ka bawipa cu a fekmi inn a serpiak ṭheo lai i na nun chung paohpaoh nangmah chungah ṭhat lonak hmuh awk a um lai lo.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.

1 SAMUEL 27:7

Cun David nih Filistin mi hna ram chung i a um chung cu kum khat le thla li a si.

1 SAMUEL 29:6

Khi tikah Akhish nih David kha a kawh i a sinah, “Bawipa nih a nun bangin, nangmah cu midik ngaingai na si i hi raldohnak i kan kalnak ah hin keimah sin i na luh na chuah ve hi a ding ko, tiah ka ruah; zeitintiah ka sinah na rat ni in nihin ni tiang nangmah chungah zeihmanh ṭhat lonak ka hmu lo. Sihmanhsehlaw bawi pawl nih nangmah cu an hna na tla lo.

1 SAMUEL 4:6

Cun Filistin mi hna nih an aunak thawng cu an theih tikah, “Hebru mi hna riahhmun i hi ti fakpi an au hi a sullam zeidah a si?” tiah an ti. Cun annih nih Bawipa kuang kha riahhmun a phan cang ti an theih tikah,