1 SAMUEL 28:7 - Lai (Hakha) Common Language Bible 2006

⁷ Cun Saul nih a sinum hna kha, “Thitlawnthiamnu pakhat in ka kawlpiak tuah u, a sinah ka va kal i amah cu ka va hal nakhnga,” tiah a ti hna. Cun a sinum hna nih cun, “Zohhmanh, Endor ah thitlawnthiam pakhat a um,” tiah an chimh.

1 SAMUEL 28:7 ပူးပေါင်းရင်းမြစ်များ

2 SIANGPAHRANG 6:33

Cun an sin i bia a chim lengmang lioah cun, siangpahrang cu a sinah a rung i, “Hi harnak hi Bawipa sinin a si. Zeicahdah Bawipa nih zeidah a tuah lai ti cu ka ngan len ti lai?” tiah a ti.

1 CHANRELNAK 10:13

Cuticun zumhawktlak a si lo ruangah Saul cu a thi; Bawipa sinah zumh tlak a si lonak cu Bawipa nawlbia a zulh lonak kha le

SALM 83:10

Sisera le Jabin cu Endor ah na sunghter hna i an ruak cu vawlei ah a rop.

ISAIAH 19:3

Izipt mi an khuakhannak kha ka tuai lai i an lung ṭhawnnak kha ka zorter lai. An siasal kha, kan bawm u, tiah an ti hna lai; khuavang kha zeitindah kan um lai tiah an hal hna lai i mithi thlarau kha ruahnak kan cheu u tiah an ti hna lai.

LEVITIKAS 19:31

“Khuavang le camhthiam kha fukpanh hna hlah u; annih nih nannih kha thurter awkah va kawl hna hlah u: keimah hi Bawipa nan Pathian cu ka si.

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

LAMKALTU 16:16

Ni khat cu thlacamnak hmun i kan va kal ṭhan tikah khan lim khuavang a ngeimi sal ngaknu pakhat nih a kan ton i cu a lim khuavang nih cun hmailei thil um ding kha a chimter khawh. Cu bantukin hmailei thil kong a chimnak cun a bawile kha tangka tampi a hmuhter hna.

DEUTERONOMI 18:11

camhthiam, khuavang ngei, hnam ngei, thi tlawnthiam, ahohmanh nan um lai lo.

JOSHUA 17:11

Cun Issakhar le Ahser chung zongah cun Beth-shean le a khuate hna, Ibleam le a khuate hna, Dor le a khuate hna, i a ummi hna Endor le a khuate hna i a ummi hna Taanak le a khuate hna i a ummi hna, Megiddo le a khuate hna i a ummi hna cu Manasseh ta an si; a pathumnak cu Nafath a si.

1 SAMUEL 28:3

Samuel kha atu cu a thi cang i Israel mi vialte nih an ṭah i amah khua Ramah ah khan an vui. Cun Saul nih thitlawnthiam le hnamngei kha ram chungin a dawi dih hna.