1 SAMUEL 27:1 - Lai (Hakha) Common Language Bible 2006

¹ Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.

1 SAMUEL 27:1 ပူးပေါင်းရင်းမြစ်များ

1 SIANGPAHRANG 12:26

Cun Jeroboam nih a lung chungin, “Atu cu pennak hi David innchungkhar sinah a kir ṭhan ko lai,

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

1 SIANGPAHRANG 19:3

Khi tikah a thin a phang i a tho i a zam i Judah ta a simi Beersheba khua ah a phan, khika ah a sinum kha a chiah ta.

2 CHANRELNAK 25:17

Cun Judah siangpahrang Amaziah nih cun khuakhannak a tuah i Israel siangpahrang Jehu fapa Jehoahaz fapa Jehoash sinah khan mi a thlah hna i, “Ra law, hmaitonh in kan i zoh tuah lai,” tiah a ti.

SALM 116:11

Ka thin a phan tuk cang i, “Ahohmanh bochan awk tlak an um lo,” ka ti lio zongah, ka zumh peng ṭhiamṭhiam ko.

SALM 55:7

Lamhlapi ah khin ka zuang hnga i ramlak ah inn ka vaa sak hnga.

EXODUS 14:12

Hi bantuk thil a tlung te lai ti kha kan kal hlan in kan in chim cang lo mei? Kan in thawh i, ‘Kannih cu kan kaltak ko, Izipt mi sal si ko u sih,’ kan in ti. Hika thetse ram i thihnak cun sal si kha kan caah a ṭha deuh,” an ti.

PHUNGTHLÛKBIA 13:12

Ruahchannak cu a nikhua rauhter tikah hin lung a fak, sihmanhsehlaw saduhthahmi cu a tlin tikah hin nunnak thingkung a si.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

NAMBAR 14:3

Zeicahdah Bawipa nih hi ram chungah hin vainam in thih awkah a kan luhpi hnga? Kan nupile hna le kan ngakchia hna hi tlaihkhih awk men an si lai; Izipt ah kir ṭhan u si law, kan caah a ṭha deuh hnga lo maw?” tiah an ti.

MATTHAI 14:31

Hmakhatte ah Jesuh nih a hei banh i a tlaih i, “Na zumhnak a va hme hringhran dah! Zeicahdah lungawṭawm in na um?” tiah a ti.

MARKA 4:40

Cun Jesuh nih annih cu, “Zeicahdah cu ti hringhran in nan thin a phan? Zeicahdah zumhnak nan ngeih lo?” tiah a ti hna.

2 KORIN 7:5

Masidonia kan phak hnu hmanh ah dinh mui kan hmu hlei lo. A kenkip ah harnak a um, pakhat le pakhat an i si, kan lung chungah phannak a um.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

1 SAMUEL 22:5

Cun profet Gad nih David cu, “Ralhruang chungah um ti hlah, va kal law, Judah ram chungah va lut tuah,” tiah a ti. Cucaah David cu a kal i Hereth tupi chungah khan a lut.

1 SAMUEL 23:17

Cun amah kha, “Na thinphang hlah; zeitintiah ka pa Saul kut nih nangmah cu an hmu bal lai lo; nangmah cu Israel siangpahrang na si lai i keimah cu an changtu ka si lai; ka pa Saul zong nih mah hi a hngalh ko,” tiah a ti.

1 SAMUEL 25:30

Cun Bawipa nih ka bawipa cungah nangmah kong i a chimmi ṭhatnak vialte kha a tuah dih tikah le Israel cungah bawi i an chiah tikah,

1 SAMUEL 26:19

Cucaah ka bawipa siangpahrang nih hin a salpa ka bia hi ka ngaihpiak tuah seh. Keimah doh awkah an forhtu hi Bawipa a si ahcun, pekchanhnak hi cohlang ko seh; sihmanhsehlaw minung an si ahcun, BAWIPA hmaiah chiat si ko hna seh, zeitintiah annih nih nihin ah hin Bawipa ro chungah covo ka ngeih nakhnga lo an ka dawi i, ‘Va kal law, pathian dang kha va bia hna,’ an ka ti.

1 SAMUEL 29:2

Cun Filistin bawi hna cu a zaza le a thongthong in an lanh lengmang i David le a mi hna cu hnulei in Akhish he an lanh ve tikah,

1 SAMUEL 29:3

Filistin mi ralbawi hna nih cun an thawh i, “Hi Hebru mi hna hi hika ah hin zeidah an tuah?” tiah an ti. Cun Akhish nih Filistin mi ralbawi hna sinah cun, “Mah hihi Israel siangpahrang Saul i a sal David, keimah sin i ni hi zat le kum hi zat a um cangmi, keimah sin i a rung zam hnu i a cung i palhnak zeihmanh ka hmuh lomi kha a si lo maw?” tiah a ti.