1 SAMUEL 26:8 - Lai (Hakha) Common Language Bible 2006

⁸ Khi tikah Abishai nih David cu, “Pathian nih nihin ah hin na ral cu na kut chungah an pek ko; cucaah fei in voi khat chunhte ah amah hi vawlei ah bunh chih ko ning, voi hnih ka chun lai lo,” tiah a ti.

1 SAMUEL 26:8 ပူးပေါင်းရင်းမြစ်များ

2 SAMUEL 16:9

Khi tikah Zeruiah fapa Abishai nih siangpahrang sinah cun, “Zeicahdah hi uico thi cia nih hin siangpahrang ka bawipa cu chiat a serh len ko hnga? Va kal ning law a lu khi va chok tuah ning,” tiah a ti.

SALM 31:8

Ka ral hna kut chungah na ka phakter lo, himte tu in na ka zohkhenh.

JEREMIAH 40:15

Cun Kareah fapa Johanan nih Gedaliah cu a thli tein a thawh i, “Va kal ning law ahohmanh hngalh loin Nathaniah fapa Ishmael cu va that ning. Zeicahdah nangmah cu naa thahter lai i nangmah sinah aa pummi Judah mi vialte cu ṭhek dih kan si lai i Judah mi a tangmi cu hrawh a si lai?” tiah a ti.

NAHUM 1:9

Zeicahdah Bawipa dohnak na tuah? Na donghnak an phakter lai; Ahohmanh nih voi hnih an do kho lo.

ROM 11:32

Pathian nih mi vialte kha nawlngaih lonak chung thongtla i a ser hna cu an dihlak in zaangfah a duh hna caah a si.

DEUTERONOMI 32:30

An Lungpi nih a rak zuarh hna i Bawipa nih a rak hlawt cang hna dah ti lo ahcun, Zeitindah pakhat nih thong khat kha a dawi hna lai i, Pahnih nih thong hra cu an zamter hna lai?

JOSHUA 21:44

Cun Bawipa nih an pupa hna sinah chiat a rak ser bantukte khan, a kenkip ah dinhnak a pek hna. An ral ahohmanh nih an celh hna lo, zeitintiah Bawipa nih an ral hna cu an kut chungah a pek hna.

BIACEIHTU 1:4

Cun Judah cu a hung kal i Kanaan mi hna le Periz mi hna cu Bawipa nih an kut chungah a pek hna i Bezek khua ah an mi sang khat an tei hna.

1 SAMUEL 23:14

Cun David cu ramlak i ralhruang chungah khan a um, Zif Ramlak tlangram ah khan. Cun Saul nih ni fate in a kawl, sihmanhsehlaw Pathian nih amah kha a kut chungah a pe lo.

1 SAMUEL 24:4

Cun David cu a mi hna nih khan, “Zohhmanh, na ral cu na kut chungah kan pek lai i nangmah nih a ṭha na tining paoh in a cungah na tuah lai, tiah Bawipa nih an timi ni kha mah hihi a si cang,” tiah an ti. Cun David cu a tho i a thlite in Saul puanki par kha a va hleh.

1 SAMUEL 24:5

Cun a hnuah cun Saul puanki par a va hleh caah khan David cu lung sivang in a um.

1 SAMUEL 26:23

Bawipa nih mi zeipaoh kha a dinnak ca le zumhawktlak a sinak caah laksawng a pek cio hna; zeitintiah Bawipa nih nangmah cu nihin ah ka kut chungah an pek, asinain Bawipa chiti thuhmi cungah khan ka kut ka samh duh lo.

1 SAMUEL 26:7

Cucaah David le Abishai cu ralkapbu chung cun zan ah khan an lut; cun khika ah khan Saul cu riahhmun chungah a rak it ko i a fei cu a lu hramah, vawlei ah a rak i bunh ko; cun Abner le ralkapbu hna cu a velchum in an it.

1 SAMUEL 26:9

Sihmanhsehlaw David nih Abishai cu, “Amah kha hrawk hlah; zeitintiah ahodah Bawipa chiti thuhmi cungah a kut a samh i mawh lo in a um kho lai?” tiah a ti.