1 SAMUEL 26:24 - Lai (Hakha) Common Language Bible 2006

²⁴ Zohhmanh, nangmah nunnak cu keimah mit ah nihin ah a sun bantukin ka nunnak cu Bawipa mit ah sung ve seh law, temhinnak vialte chungin ka chuah ko seh,” tiah a ti.

1 SAMUEL 26:24 ပူးပေါင်းရင်းမြစ်များ

GENESIS 48:16

Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.

2 SAMUEL 4:9

Sihmanhsehlaw David nih Beeroth khuami Rimmon fapa hna, Rekhab le a unau Baanah cu a leh hna i, “Ral vialte chungin ka nunnak a ka tlantu Bawipa a nun bangin,

SALM 144:2

Amah cu a ka hupphengtu lungpi ka ralhruang a si, a fekmi ralvenbuk le himnak hmun a si, kaa bochanmi phaw a si. Miphun dang kha ka ke tangah amah nih a chiah hna.

SALM 18:1

Maw Bawipa ka ṭhawnnak, nangmah cu kan dawt hringhran ko! Nangmah cu a ka chanhtu na si.

SALM 18:25

Bawipa, nang cu zumhawktlak a simi sinah zumhawktlak in na um ve i a ṭhami sinah na ṭha ve.

SALM 18:48

Ka ral hna kut chungin a ka khamh. Bawipa, nangmah nih ka ral hna teinak cu na ka pek i mipuarhrang mi hna kut chungin na ka huhphenh.

SALM 34:20

Bawipa nih him tein a zohkhenh i a ruh pakhat hmanh a kiak lo.

SALM 54:7

Ka harnak vialte chungin na ka chuah i ka ral an sungh cu ka hmuh hna.

MATTHAI 5:7

Midang cungah zaangfahnak a ngeimi cu lunglawmmi nan va si dah! Pathian nih an zaangfah hna lai.

MATTHAI 7:2

midang na soi hna ning te khan Pathian nih an soi lai i midang cung i na hmanmi tahnak te kha Pathian nih na cungah a hman ve lai.

LAMKALTU 14:22

Zumtu hna kha thazang an pek hna i nan zumhnak ah khan fek tein hmun ko u, tiah an forh hna. “Pathian Pennak chung luh awkah hin harnak tampi kan ton a hau,” tiah an cawnpiak hna.

2 THESALON 3:2

Cun Pathian bia hi mi vialte nih an zumh rih lo caah, Pathian nih miṭhalo mi hna le misual mi hna kut chungin a kan luatter nakhnga zongah thla kan campiak fawn u.

BIAPHUAN 7:14

“Ka hngal lo, bawipa, Nangmah nih ta na hngalh deuh lai,” tiah ka leh. Cun a ka thawh i, “Hi mi hna hi hremnak nganpi a ingmi kha an si; Tuufa thi chungah an puan kha an suk i an puan cu an vaar cang.

1 SAMUEL 18:30

Cun Filistin bawi hna kha raltuknak ah an ra chuak tawn i an ra chuah fate David cu Saul sinum vialte hna nakkhan a hlawhtling deuh; cucaah a min cu an thangṭhat ngaingai ko.

1 SAMUEL 24:16

Hi bia cu David nih a chim dih hna tikah Saul nih, “Mah hihi nangmah aw a si maw, ka fapa David?” tiah a ti. Cun Saul cu thangpi in a ṭap.