1 SAMUEL 26:11 - Lai (Hakha) Common Language Bible 2006

¹¹ Bawipa chiti thuhmi cung i ka kut samh awk cu Bawipa nih ka kham ko seh; sihmanhsehlaw a lu hram i a ummi fei kha le hranthawl kha la law kal u sih,” tiah a ti.

1 SAMUEL 26:11 ပူးပေါင်းရင်းမြစ်များ

2 SAMUEL 1:14

David nih amah cu, “Zeitindah a si e, nangmah nih Bawipa chiti thuhmi hrawh awk i na kut zao na ṭih lo cu?” tiah a ti.

2 SAMUEL 1:16

Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

2 SAMUEL 19:22

Sihmanhsehlaw David nih, “Nannih Zeruiah fapa hna, nannih nan i thlak awk zeidah a um, nihin i keimah caah ral bantuk nan si hnga cu? Nihin ah hin Israel mi ahohmanh thah awk a si hnga maw? Zeitintiah nihin ah hin Israel mi cungah siangpahrang ka si kha hngal loin maw ka um?” tiah a ti.

SALM 17:4

Midang bantukin ṭhat lonak bia zeihmanh ka chim lo, na nawl kha ka zulh i puarhrannak lam kha ka zul lo.

ROM 12:17

Mi nih nan cungah ṭhat lonak an tuah ahcun ṭhat lonak in va lehrul hna hlah u. Mi vialte nih a ṭha tiah an ruahmi kha tuah i zuam u.

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

1 SAMUEL 12:3

Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai,” tiah a ti.

1 SAMUEL 24:12

Keimah le nangmah karlakah Bawipa nih bia kan ceih ko seh, Bawipa nih nangmah cungah phu ka hlampiak ko seh; sihmanhsehlaw ka kut nih cun an tu lai lo.

1 SAMUEL 24:4

Cun David cu a mi hna nih khan, “Zohhmanh, na ral cu na kut chungah kan pek lai i nangmah nih a ṭha na tining paoh in a cungah na tuah lai, tiah Bawipa nih an timi ni kha mah hihi a si cang,” tiah an ti. Cun David cu a tho i a thlite in Saul puanki par kha a va hleh.

1 SAMUEL 24:6

A mi hna sinah khan, “Amah cu Bawipa chiti thuhmi kha a si caah, amah cung i ka kut samh awkin, Bawipa chiti thuhmi ka bawipa cungah hi thil ka tuahmi hi Bawipa nih ka thlauh ko seh,” tiah a ti.