1 SAMUEL 26:10 - Lai (Hakha) Common Language Bible 2006

¹⁰ Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

1 SAMUEL 26:10 ပူးပေါင်းရင်းမြစ်များ

GENESIS 47:29

A thih caan kha a naih tikah a fapa Josef kha a auh i, “Ka sinah bia i kam tuah. Na kut kha ka phei tangah chia law, na cungah ka ṭha lai i zumhawktlak tein ka um lai. Izipt ram ah kan vui lai lo tiin, bia i kam.

JOB 14:14

Cucaah ka rian cu zeitluk in a sau hmanh ah ka lung a dong lai lo i Ka luatnak ding cu ka rak hngah ṭhiuṭheo ko lai.

JOB 14:5

A ni hna cu relpiak an si i A thla hna cu zeizat an si kha nangmah nih na hngalh; Nangmah nih a lonh khawh lomi ramri kha na serpiak.

JOB 7:1

“Vawleicung ah hin mi nih rian har a ngei a si lo mei? Cun a ni hna hi hlanchom sinum ni bantuk an si ko lo maw?

SALM 37:10

Luklak ah miṭhalo cu an lo ko lai, na kawl hna hmanh ah na hmu kho hna lai lo.

SALM 37:13

Sihmanhsehlaw Bawipa nih cun miṭhalopa cu a nihsawh men ko, zeicahtiah luklak ah a rawh lai kha a hngalh.

SALM 94:23

Annih cu an ṭhat lo ruangah dan na tat hna lai i an sual ruangah na hrawh hna lai; Bawipa kan Pathian nih na hrawh hna lai.

PHUNGCHIMTU 3:2

Hrin caan a um, thih caan a um; cin caan a um, phawi caan a um;

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

ROM 12:19

Phuhlam hmang hlah u, ka naule hna; Pathian thinhunnak tu nih khan cucu tuah deuh ko seh. Zeicahtiah Cathiang nih pei, “Phuhlam cu keimah rian a si, keimah nih ka lehrulh hna lai, tiah Bawipa nih a ti,” a ti kha.

DEUTERONOMI 31:14

Cun Bawipa nih Moses sinah, “Zohhmanh, na thihnak caan a nai cang; Joshua kha ko law tonnak thlam chungah ratpi tuah, amah cu rian ka pek nakhnga,” tiah a ti. Cun Moses le Joshua cu an kal i tonnak thlam chungah cun an va lut.

DEUTERONOMI 32:35

An ke a nal tik caan caah phuhlamnak le teirul chamnak cu keimah ta an si, Zeitintiah an harnak ni cu a nai i An rawknak cu khulrang in a ra.

HEBRU 10:30

“Keimah nih phu cu ka hlam lai, keimah nih ka cham lai,” tiah a ti i, “Bawipa nih a mi cu bia a ceih hna lai,” ti zongah a ti fawntu kha ahodah a si ti cu kan hngalh.

HEBRU 9:27

Minung hi voi khat kan thi lai i cu hnuah cun Pathian nih bia a kan ceih lai.

BIAPHUAN 18:8

Hi ruangah hin hremnak nih khan ni khatte ah an tlakphuat lai, rai le ngaihchiatnak le mangṭam nih khan a tlakphuat lai. Amah bia a ceihtu Bawipa Pathian cu a ṭhawngmi a si caah Amah cu mei in khangh a si lai,” a ti.

1 SAMUEL 24:12

Keimah le nangmah karlakah Bawipa nih bia kan ceih ko seh, Bawipa nih nangmah cungah phu ka hlampiak ko seh; sihmanhsehlaw ka kut nih cun an tu lai lo.

1 SAMUEL 24:15

Cucaah Bawipa cu biaceihtu si seh law, nangmah le keimah karlak bia hi chat seh, ka zohpiak seh law ka bia hi ka chimpiak seh law, nangmah kut chung hin ka chuah ko seh,” tiah a ti.

1 SAMUEL 25:26

Cucaah cun ka bawipa, Bawipa a nun bantuk le na nunnak a nun bantukin, thisen chuah mawhnak le nangmah nih na kut hrimhrim in phuhlam tuahnak kha Bawipa nih tuah loin an umter caah, na ral hna le ka bawipa cungah ṭhat lonak tuah awk a kawlmi hna cu Nabal bantuk si ko hna seh.

1 SAMUEL 25:38

Cun ni hra tluk hnuah Bawipa nih Nabal cu a tuk i a thi.

1 SAMUEL 25:39

David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.

1 SAMUEL 31:4

Cun Saul nih a ralthuam putu sinah khan, “Na nam kha i zuh law, tleng lak in ka chun, cu lo ahcun, cuarpartan lo pawl hi an ra lai i an ka chunh ṭhiamṭhiam ṭung lai i lentecelhnak ah an ka ser sual hnga,” tiah a ti. Sihmanhsehlaw a ralthuam putu nih khan a tuah duh lo, zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.

1 SAMUEL 31:6

Cuticun Saul le a fapa pathum hna le a ralthuam putu le a mi vialte cu ni khat ah hmun khat ah an thi.