1 SAMUEL 25:8 - Lai (Hakha) Common Language Bible 2006

⁸ Na tlangval kha hal hna law an in chimh ko lai. Cucaah puai ni i kan rat caah hin ka tlangval hna hi na hmaiah mithmai ṭha hmuhter ko hna. Na sal hna le na fapa David hi na ngeihmi paoh rak kan pe ko sawh, a ti,’ tiah nan va ti lai,” tiah a ti.

1 SAMUEL 25:8 ပူးပေါင်းရင်းမြစ်များ

ESTHER 9:19

Cucaah khuate i a ummi, kulhnak a ngei lomi khua i a ummi Judah mi hna nih cun Adar thla ni hleili ni cu lunglawmhnak le puai le dinh ni ah an ser i cu ni cu pakhat le pakhat kha laksawng a ṭhaṭha i kuatnak ah an hman.

ESTHER 9:22

zeicahtiah hi ni hna ah hin Judah mi nih an ral hna sinin himnak an hmuh i hi thla hi an caah ngaihchiatnak in lunglawmhnak ah, ṭahnak in dinhnak ni ah aa thlen thla a si; cun nannih nih hi ni hna cu puai tuahnak le lunglawmhnak ni le laksawng ṭhaṭha i kuatnak le sifakmi hna laksawng peknak ni ah nan hman lai tiin nawl a pek hna.

PHUNGCHIMTU 11:2

Na tangka rianṭuannak cu hmun tampi ah chia hna, Zeitintiah vawlei cungah hin zei ṭhat lonak dah a tlung lai, na hngal lo.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

1 SAMUEL 24:11

Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.

1 SAMUEL 25:9

David tlangval hna cu an rat tikah hi vialte cu David min in Nabal kha an chimh; cun annih nih an ngan.

1 SAMUEL 3:6

Cun Bawipa nih, “Samuel!” tiah a auh ṭhan. Cun Samuel cu a tho i Eli sinah a va kal i, “Hika ah hin ka um, na ka auh caah,” tiah a ti. Sihmanhsehlaw anih nih, “Kan au lo, ka fapa, va it ṭhan ko,” tiah a ti.