1 SAMUEL 25:38 - Lai (Hakha) Common Language Bible 2006

³⁸ Cun ni hra tluk hnuah Bawipa nih Nabal cu a tuk i a thi.

1 SAMUEL 25:38 ပူးပေါင်းရင်းမြစ်များ

2 SAMUEL 6:7

Cun Bawipa thinhunnak cu Uzzah cungah a alh i a kut in kuang kha a hei banh caah Pathian nih khika ah a tuk i cuka ah Pathian kuang kiangah khan a thi.

2 SIANGPAHRANG 15:5

Bawipa nih siangpahrang cu a tuk i cucaah cun a thih ni tiangin mithinghmui a si i inn dangte ah a um. Cun siangpahrang fapa Jotham nih khan innchungkhar cu a zohkhenh i rammi kha a uk hna.

2 SIANGPAHRANG 19:35

Cun cu zan ah cun Bawipa vancungmi a kal i Assiria mi riahhmun ah cun sing khat, sang riat le thong nga a va thah hna; cun zingkate i mi nih an thawh tikah, zohhmanh, hi hna cu miruak an rak si dih ko.

2 CHANRELNAK 10:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Pathian nih mahtihin thil kha a mersan.

2 CHANRELNAK 13:20

Abijah chan ah cun Jeroboam nih a ṭhawnnak kha a hmu ṭhan kho ti lo i Bawipa nih a tuk i a thi.

SALM 104:29

Naa mer tikah an awlok a chong, na thaw kha na tlaihkanh hna tikah an thi i an chuahkehnak vawlei ah khan an kir ṭhan.

SALM 73:19

Chikkhatte ah an rawk i an donghnak cu ṭihnung ngaingai a si.

EXODUS 12:29

Zanṭim ah Bawipa nih Izipt ram fater vialte cu a thah hna; bawiṭhutdan cungah a ṭhu ding Faro fater thawk in thong chung i a ummi thongtla fater tiang an thi; saṭil fater vialte zong an thi.

LAMKALTU 12:23

Herod nih Pathian kha upatnak a pek lo caah Bawipa vancungmi nih chikkhatte ah a vun tuk. Amah cu tholung nih an ei i a thi.

1 SAMUEL 25:33

Na fimnak hi thluachuah hmu seh law, nihin ah thisen chuah mawhnak le keimah nih keimah kut hrimhrim in phu i hlamnak tuahnak in a ka khamtu nangmah cu thluachuahnak hmu ko!

1 SAMUEL 25:37

Cun zinglei ah, Nabal cu a zu ritnak in a fim tikah khan, hi thil hna cu a nupi nih khan a chimh i a lung cu a chungah a thi i amah cu lung bantuk ah a cang.

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

1 SAMUEL 6:9

Cun zoh tuah u, amah ram lei i a hung kalmi Beth-shemesh lei i a kalmi lam kha a hun zulh ahcun, kannih cungah hi harnak nganpi a tuahtu hi amah a si; sihmanhsehlaw cu ti a si lo ahcun, a kan tutu cu amah kut a si lo, kan cungah a tlung sual i a si ko, ti kha kan hngalh lai,” an ti.