1 SAMUEL 25:36 - Lai (Hakha) Common Language Bible 2006

³⁶ Cun Abigail cu Nabal sin kha a phan; cun zohhmanh, a inn ah khan siangpahrang puai bantuk puai pakhat a rak tuah. Cun Nabal cu a rak i lawm cuahmah ko, zeicahtiah a ri ngaingai ko; cucaah zinglei khuaceu hlanah cun zeihmanh a chim lo.

1 SAMUEL 25:36 ပူးပေါင်းရင်းမြစ်များ

2 SAMUEL 13:23

Kum hnih kheng hnuah khin, Efraim pawng i Baalhazor ah Absalom nih tuu hmul mettu a ngei i Absalom nih siangpahrang fapa vialte kha a sawm hna.

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

2 SAMUEL 3:20

Abner cu David sinah Hebron ah mi pakul he a rat tikah, David nih Abner le a sin i a ummi hna caah cun rawl danghnak a tuah.

1 SIANGPAHRANG 20:16

Cun Benhadad le a bawmtu siangpahrang sawm thum le pahnih hna cu ri koin thlam chungah zu an din lio chun ah khin, annih cu an va kal.

SALM 112:5

Mi chaw a cawih hna tikah siang ngaiin a cawih i a rian a ṭuannak ah lihchim lo tein a ummi cu milunglawm an si.

PHUNGTHLÛKBIA 20:1

Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

PHUNGCHIMTU 10:19

Puai nih an lawmhter khawh, zu nih an nuamhter khawh, Sihmanhsehlaw tangka loin a zei paohpaoh hmanh cu na ngeih khawhmi an si lo.

ISAIAH 28:3

Efraim mi zu rit buin a hruai zungzalmi haotu pawl nih an i uanthlarmi pangpar ṭhi rual kha vawlei ah lamh beh an si lai.

ISAIAH 5:11

Nan lo cang! Zu din ah zingkate in nan tho i zan ah tlaipi tiang ri cikcek in nan din.

JEREMIAH 51:57

A bawi hna le a mifim hna le a ram ukbawi hna le ralbawi hna le ralkap hna cu Ka ritter hna lai; A dong lomi hngilhnak chungah an tla lai i an i hlau ṭhan ti lai lo, tiah Siangpahrang, a min Ralkapbu Bawipa a simi nih a ti.

HOSEA 4:11

Zu nih ka mi hna cu a molhter cang hna!

NAHUM 1:10

Hling nih a ngerhmi le zuri bantuk le a romi capawl bantukin na kang dih lai.

MATTHAI 10:16

“Ngai hmanh u! Cenghngia hrang rual lak i thlahmi tuu bantukin kan thlah hna. Cucaah rul bantukin vaa fim u law ṭhuro bantukin nan nun va nem u.

LUKA 14:12

Cun Jesuh nih rawlhrawn a sawmtu cu a thawh i, “Chuncaw ei siseh, zanriah ei siseh, na sawm hna tikah na hawi na kom le na unau hna le na sahlawh na rualchan hna le na innpa mi rumrum kha va sawm hna hlah. Zeicahtiah anmah zong nih an in sawm ve lai i na tuahmi kha cham na si ko lai.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

ROM 13:13

Chun ceu i a ummi bantukin nuncan dawh in nung u sih, aukhuang cercur in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, i si hlah u sih, i nahchuah hlah u sih.

EFESA 5:14

Fiang tein langhtermi cu ceunak ah cun an i cang. Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

1 SAMUEL 25:19

Cun a tlangval hna cu a thawh hna i, “Ka hmaiah rak kal u, zohhmanh u, nan hnu in kan zulh hna lai,” tiah a ti. Sihmanhsehlaw a va Nabal kha a chim lo.

1 SAMUEL 25:37

Cun zinglei ah, Nabal cu a zu ritnak in a fim tikah khan, hi thil hna cu a nupi nih khan a chimh i a lung cu a chungah a thi i amah cu lung bantuk ah a cang.