1 SAMUEL 25:28 - Lai (Hakha) Common Language Bible 2006

²⁸ Na salnu ka sualnak cu ka ngaithiam ko sawh; zeitintiah ka bawipa nih Bawipa raltuknak kha a tuk caah Bawipa nih ka bawipa cu a fekmi inn a serpiak ṭheo lai i na nun chung paohpaoh nangmah chungah ṭhat lonak hmuh awk a um lai lo.

1 SAMUEL 25:28 ပူးပေါင်းရင်းမြစ်များ

2 SAMUEL 5:2

kan hnulei caan, Saul kan siangpahrang a si lioah khan, Israel mi a chuahpitu le a luhpitu cu nangmah na si; cun Bawipa nih nangmah cu, ‘Nangmah cu ka mi Israel mi hna tuukhal na si lai i Israel mi hna bawi na si lai,’ an timi kha na si,” tiah an ti.

2 SAMUEL 7:11

hlan lio i ka mi hna cungah biaceihtu ka rak chiah hna caan bantuk khan, zaang en hmangmi hna nih an hrem ti hna lai lo; cun nangmah cu na ral vialte hna sinin dinhnak kan pek lai. Cu hleiah Bawipa nih nangmah cu Bawipa nih inn pakhat an serpiak lai, tiin an thanh.

2 SAMUEL 7:16

Cun na inn le na pennak cu ka hmaiah a zungzal fek dingin ser a si lai; na bawi ṭhutdan cu zungzal in a hmun lai,’ a ti,” tiah a ti.

2 SAMUEL 7:27

Zeitintiah maw ralkapbu Bawipa, Israel Pathian, nangmah nih hi phuannak cu na sal sinah, ‘Nangmah cu innchungkhar pakhat kan serpiak lai,’ tiin na rak ser cang; cucaah na sal nih nangmah sinah hi thlacamnak hi a cam ngam.

1 SIANGPAHRANG 15:3

Cun amah hlan i a pa nih a rak tuahmi sualnak vialte chungah khan a kal ve i a pu David lung bantuk kha si loin, a lung cu Bawipa a Pathian sinah khan a dihlak in aa biatak ngaingai lo.

1 SIANGPAHRANG 15:5

zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

1 SIANGPAHRANG 9:5

khi tikah na pa David sinah, ‘Israel mi bawi ṭhutdan cung ṭhu dingmi na ṭhing lai lo,’ tiin bia ka rak kam cang bang khan Israel mi hna cungah zungzal ca in na siangpahrang bawi ṭhutdan cu ka fehter lai.

1 CHANRELNAK 17:10

hlan lio i ka mi Israel mi hna cungah biaceihtu ka rak chiah hna caan bantuk khan, zaang-en hmangmi hna nih an hrawkhral ti hna lai lo; cun na ral vialte cu kan teipiak lai. Cuhleiah Bawipa nih nangmah cu inn pakhat an serpiak lai tiah kan thanh.

1 CHANRELNAK 17:25

Zeitintiah nangmah nih maw ka Pathian, na sal cu innchungkhar pakhat kan sakpiak lai tiah ka sinah na phuan cang caah na sal nih hin nangmah hmaiah thla ka cam ngam.

2 CHANRELNAK 20:15

Cun anih nih a thawh i, “Judah mi vialte le Jerusalem mi hna le Siangpahrang Jehoshafat hna, thei tuah u: Bawipa nih hi bangin nan sinah, ‘Hi mibu nganpi ruangah nan thinphang in nan lung dong hlah u; zeicahtiah hi raldohnak cu nanmah ta a si lo, Pathian i a si.

SALM 7:3

Bawipa ka Pathian, mi cungah ṭhat lonak tuah le

SALM 89:29

A tefa pakhat cu siangpahrang a si zungzal lai; a bawiṭhutdan cu van a hmunh chung paoh a hmun ve lai.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

LUKA 23:41

Sihmanhsehlaw kannih ca i biakhiahnak an tuahmi cu ahmaanmi a si, zeicahtiah kan tuahmi ruangah kan hmuh awk a simi kha kan hmuh; sihmanhsehlaw anih hi cu ṭhat lonak zeihmanh a tuah lo,” tiah a ti.

LUKA 23:47

Cucu ralbawipa nih khan a hmuh i Pathian kha a thangṭhat i; “Hi pa hi a sual hrimhrim lo,” tiah a ti.

1 SAMUEL 15:28

Cun Samuel nih amah cu, “Bawipa nih Israel pennak cu nangmah sinin nihin ah hin a thleh cang i nangmah nakin a ṭha deuhmi na innpa sinah khan a pek cang.

1 SAMUEL 17:47

hi aa pummi vialte nih hin, vainam le fei in Bawipa khamhnak hi a si lo ti kha an hngalh nakhnga; zeitintiah hi raltuknak cu Bawipa ta a si i nannih cu kan kut chungah pek nan si lai,” tiah a ti.

1 SAMUEL 18:17

Cun Saul nih David cu, “Hika ah hin ka fanu upa deuh Merab a um ko; nupi caah kan pek lai; keimah caah na ral bel ṭha ko law, Bawipa raldohnak cu do ko hna,” tiah a ti. Zeitintiah Saul nih, “Keimah kut cun thi hlah seh, sihmanhsehlaw Filistin mi hna kut tu in thi deuh seh,” tiah a ruah.

1 SAMUEL 2:35

Cun keimah hrimhrim nih zumhawktlak tlangbawi pakhat, ka lung chung le ka ruahnak chungah a ummi ningin a tuahtu ding cu ka chuahter lai; cun amah cu a fekmi innchungkhar ka sakpiak lai i ka chiti thuhmi hmaiah a zungzal in a lut a chuak lai.

1 SAMUEL 22:14

Cun Ahimelek nih siangpahrang cu a leh i, “A si ah, na sinum vialte lakah, siangpahrang tupa a simi, nangmah pum rungvengtu hna haotu, na inn chungah upat a simi David tluk in, ahodah zumh awk tlak a um?

1 SAMUEL 24:11

Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.

1 SAMUEL 24:17

David sinah cun, “Nangmah cu keimah nakin na ding deuh, zeitintiah kei nih chiatnak in kan cham zongah nang nih cun ṭhatnak in na ka cham.

1 SAMUEL 24:21

Cucaah, keimah hnuah ka tefa hna cu na hloh hna nakhnga lo le ka min cu ka pa innchungkhar chungin na hrawh nakhnga lo, Bawipa min in ka sinah chiat ser tuah,” tiah a ti.

1 SAMUEL 24:4

Cun David cu a mi hna nih khan, “Zohhmanh, na ral cu na kut chungah kan pek lai i nangmah nih a ṭha na tining paoh in a cungah na tuah lai, tiah Bawipa nih an timi ni kha mah hihi a si cang,” tiah an ti. Cun David cu a tho i a thlite in Saul puanki par kha a va hleh.

1 SAMUEL 25:24

A ke hramah khan a bawk i, “Keimah cung lawnglawng ah hin, ka bawipa, mawhnak kha um ko seh; na salnu hi na hna theih ah bia chimter ko law, na salnu bia hi ka ngaihpiak ko sawh.

1 SAMUEL 29:3

Filistin mi ralbawi hna nih cun an thawh i, “Hi Hebru mi hna hi hika ah hin zeidah an tuah?” tiah an ti. Cun Akhish nih Filistin mi ralbawi hna sinah cun, “Mah hihi Israel siangpahrang Saul i a sal David, keimah sin i ni hi zat le kum hi zat a um cangmi, keimah sin i a rung zam hnu i a cung i palhnak zeihmanh ka hmuh lomi kha a si lo maw?” tiah a ti.

1 SAMUEL 30:26

David cu Ziklag a phanh tikah hranchaw a cheu cu Judah ram upa a hawikom hna sinah khan a kuat i, “Bawipa ral hna sinin lakmi hranchaw chungin nanmah ca i laksawng a si,” tiah a ti;