1 SAMUEL 25:23 - Lai (Hakha) Common Language Bible 2006

²³ Cun Abigail nih David kha a hmuh tikah aa hnawchan i a laa khan a ṭum i David hmaiah a kun i a lu kha a khun.

1 SAMUEL 25:23 ပူးပေါင်းရင်းမြစ်များ

2 SAMUEL 1:2

cun a ni thumnak ni ah Saul riahhmun in mipa pakhat, a puan tlek le a lu ah leidip i phulh in a ra. Cun David sin kha a phak tikah vawlei ah a bawk i upatnak kha a tuah.

2 SAMUEL 14:4

Tekoa minu cu siangpahrang sinah a rat tikah vawlei lei hoih in a bawk i upatnak kha a tuah i, “Maw siangpahrang ka bawm tuah,” tiah a ti.

2 SAMUEL 18:28

Cun Ahimaaz nih siangpahrang cu a hei auh i, “A ṭha dih ko,” tiah a ti. Cun siangpahrang hmaiah cun vawlei lei hoih in a lu a khun i, “Siangpahrang ka bawipa doh awkah a thomi vialte a sunghtertu hna Bawipa na Pathian cu thangṭhat si ko seh,” tiah a ti.

2 SAMUEL 9:6

Cun Saul fapa Jonathan i fapa Mefibosheth cu David sinah a ra i a kun i upatnak kha a pek. Cun David nih, “Mefibosheth,” tiah a ti. Cun anih nih, “Zohhmanh, na salpa hi,” tiah a leh.

1 CHANRELNAK 21:21

David cu Ornan sin lei i a rat lioah khan. Ornan nih cun a hei zoh i David kha a hmuh i phuhri cun a va chuak i vawlei lei hoih in David cu upatnak kha a pek.

JOSHUA 15:18

Aksah nih a sinah a rat tikah, a pa kha lo pakhat hal awkah a fial; cun a laa cungin a ṭum i Kaleb nih, “Zei dah na duh?” tiah Aksah cu a ti.

BIACEIHTU 1:14

Cun Aksah cu a sinah a rat tikah Othniel cu Aksah nih a pa kha ram hal awkah a fial; Aksah cu a laa cungin a ṭum i Kaleb nih a sinah, ‘Zeidah na duh?” tiah a ti.

RUTH 2:10

Cun a kun i vawlei lei hoih in a lu a khun in amah cu, “Phun dang mi ka si cu na hngalh ko, asinain, keimah cu na hei ka hngalh duh nakhnga ah, zeicahdah na hmaiah mithmai ṭha cu ka hmuh e?” tiah a ti.

1 SAMUEL 20:41

Tlangvalpa kha a kal dih cangka, lungpon sir khan David cu a hung chuak i vawlei ah a bawk i voi thum a kun; cun pakhat le pakhat an i hnam i pakhat le pakhat an i ṭah, David kha a zualhma khun.

1 SAMUEL 24:8

A hnuah David zong cu a tho i lungkua chung khan a chuak i Saul kha, “Siangpahrang ka bawipa!” ti in a hei auh. Cun Saul nih a hnulei kha a hei zoh tikah David nih vawlei lei hoih in a kun i upatnak kha a tuah.

1 SAMUEL 25:24

A ke hramah khan a bawk i, “Keimah cung lawnglawng ah hin, ka bawipa, mawhnak kha um ko seh; na salnu hi na hna theih ah bia chimter ko law, na salnu bia hi ka ngaihpiak ko sawh.

1 SAMUEL 25:41

Cun a tho i vawlei lei zoh in a kun i, “Zohhmanh u, nan salnu hi ka bawipa i a sinum hna ke ṭawltu salnu a si ko,” tiah a ti.