1 SAMUEL 24:9 - Lai (Hakha) Common Language Bible 2006

⁹ Cun David nih Saul cu, “Zeicahdah, ‘Zohhmanh, David nih nangmah fahnak kha a kawl,’ tiin an timi hna bia kha na ngaih?

1 SAMUEL 24:9 ပူးပေါင်းရင်းမြစ်များ

SALM 101:5

Mi congoih a hmangmi kha daihter kaa zuam hna lai i miporhlaw hna le miruamkai hna he cabuai i ṭhut ṭi cu ka hrial lai.

SALM 141:6

An uktu bawi hna kha lungpang cungin hlonh an si tikah, mi nih ka bia ahmaan kha an hngalh lai.

PHUNGTHLÛKBIA 16:28

Mi lungthin ṭhalo nih rem lonak kha an karhter i Mi dupdap nih hawikom ṭha kha an ṭhen hna.

PHUNGTHLÛKBIA 17:4

Mihrokhrawl cu hrokhrawl bia lawng kha a thlingthla, lihchim hmang nih cun thangchiatnak bia lawng kha a ngai.

PHUNGTHLÛKBIA 18:8

Mi congoihnak bia chim cu a thlummi changreu bantukin a thaw i pum chung chungchin ah khan kan lemh riahmah ko hna.

PHUNGTHLÛKBIA 25:23

Chaklei thli nih ruah a ratpi, congoihnak nih thinhunnak a chuahpi.

PHUNGTHLÛKBIA 26:28

Lihchim hmangmi lei nih cun a sual lomi kha a sual a lawhter hna, Nalbia nih cun rawhralnak lawng kha a chuahpi.

PHUNGTHLÛKBIA 29:12

Uktu nih lihbia kha a ngaih ahcun, a kut toi ummi bawi vialte kha miṭhalo an si lai.

JEREMIAH 37:18

Cun Jeremiah nih Siangpahrang Zedekiah cu a thawh i, “Nangmah cungah siseh, na sinum hna cungah siseh, hi mi hna cungah hin siseh, zei palhnak dah ka tuah i thong ah nan ka thlak?

LEVITIKAS 19:16

Na mi hna lakah mi kongthang ceih in vak len ko hlah, na innpa nunnak hrawh awkah dir hlah: keimah hi Bawipa cu ka si.

JEIM 3:6

Lei cu mei bantuk a si. Thil ṭhalo aa hlumnak kha a si i kan pum chungah hin a dihlak khan ṭhat lonak cu a vahter. Kan nunnak hi a dihlak in mei in a khangh i cu mei cu hell in a thomi mei a si.

1 SAMUEL 20:1

Khi tikah David cu Ramah khua chung i Naioth khan a zam i Jonathan sinah a kal i, “Zeidah ka tuah? Zeidah ka mawhnak a si? Na pa hmaiah zeidah ka sualnak a si i ka nunnak a ka kawl hi?” tiah a ti.

1 SAMUEL 20:41

Tlangvalpa kha a kal dih cangka, lungpon sir khan David cu a hung chuak i vawlei ah a bawk i voi thum a kun; cun pakhat le pakhat an i hnam i pakhat le pakhat an i ṭah, David kha a zualhma khun.

1 SAMUEL 24:10

Zohhmanh, zeitintiah Bawipa nih nangmah cu nihin ah, lungkua ah khan, keimah kut chung i an pek kha, nangmah mit nih nihin hrimhrim ah a hmuh cang; mi cheu nih cun nangmah thah awk kha an ka fial, sihmanhsehlaw keimah nih kan zuah. ‘Ka bawipa cu Bawipa chiti thuhmi a si caah a cungah ka kut ka samh lai lo,’ tiah ka ti.

1 SAMUEL 24:8

A hnuah David zong cu a tho i lungkua chung khan a chuak i Saul kha, “Siangpahrang ka bawipa!” ti in a hei auh. Cun Saul nih a hnulei kha a hei zoh tikah David nih vawlei lei hoih in a kun i upatnak kha a tuah.

1 SAMUEL 26:18

Cun anih nih, “Zeicahdah ka bawipa nih hin a salpa hi a dawi lengmang ko hnga? Zeidah ka tuahmi a um? Zei mawhnak dah ka kut chungah a um?

1 SAMUEL 26:19

Cucaah ka bawipa siangpahrang nih hin a salpa ka bia hi ka ngaihpiak tuah seh. Keimah doh awkah an forhtu hi Bawipa a si ahcun, pekchanhnak hi cohlang ko seh; sihmanhsehlaw minung an si ahcun, BAWIPA hmaiah chiat si ko hna seh, zeitintiah annih nih nihin ah hin Bawipa ro chungah covo ka ngeih nakhnga lo an ka dawi i, ‘Va kal law, pathian dang kha va bia hna,’ an ka ti.